________________
दीघनिकायो-१
(१.२.२३६-२३७)
ओदातं वा पण्डुसुत्तं वा''ति । एवमेव खो, महाराज, भिक्खु एवं समाहिते चित्ते परिसुद्धे परियोदाते अनङ्गणे विगतूपक्किलेसे मुदुभूते कम्मनिये ठिते आनेञ्जप्पत्ते आणदस्सनाय चित्तं अभिनीहरति अभिनिन्नामेति । सो एवं पजानाति- “अयं खो मे कायो रूपी चातुमहाभूतिको मातापेत्तिकसम्भवो ओदनकुम्मासूपचयो अनिच्चुच्छादनपरिमद्दनभेदनविद्धंसनधम्मो; इदञ्च पन मे विज्ञाणं एत्थ सितं एत्थ पटिबद्ध"न्ति । इदम्पि खो, महाराज, सन्दिट्टिकं सामञफलं पुरिमेहि सन्दिट्ठिकेहि सामञफलेहि अभिक्कन्ततरञ्च पणीततरञ्च ।
मनोमयिद्धिञाणं २३६. “सो एवं समाहिते चित्ते परिसुद्धे परियोदाते अनङ्गणे विगतूपक्किलेसे मुदुभूते कम्मनिये ठिते आनेञ्जप्पत्ते मनोमयं कायं अभिनिम्मानाय चित्तं अभिनीहरति अभिनिन्नामेति । सो इमम्हा काया अझं कायं अभिनिम्मिनाति रूपिं मनोमयं सब्बङ्गपच्चङ्गिं अहीनिन्द्रियं ।
२३७. “सेय्यथापि, महाराज, पुरिसो मुञ्जम्हा ईसिकं पवाहेय्य । तस्स एवमस्स - “अयं मुञ्जो, अयं ईसिका, अञो मुजो, अञा ईसिका, मुञ्जम्हा त्वेव ईसिका पवाळहा''ति । सेय्यथा वा पन, महाराज, पुरिसो असिं कोसिया पवाहेय्य । तस्स एवमस्स - “अयं असि, अयं कोसि, अञ्जो असि, अञा कोसि, कोसिया त्वेव असि पवाळ्हो"ति । सेय्यथा वा पन, महाराज, पुरिसो अहिं करण्डा उद्धरेय्य । तस्स एवमस्स - “अयं अहि, अयं करण्डो । अञ्जो अहि, अञ्जो करण्डो, करण्डा त्वेव अहि उब्भतो"ति । एवमेव खो, महाराज, भिक्खु एवं समाहिते चित्ते परिसुद्धे परियोदाते अनङ्गणे विगतूपक्किलेसे मुदुभूते कम्मनिये ठिते आनेञ्जप्पत्ते मनोमयं कायं अभिनिम्मानाय चित्तं अभिनीहरति अभिनिन्नामेति । सो इमम्हा काया अचं कायं अभिनिम्मिनाति रूपिं मनोमयं सब्बङ्गपच्चङ्गिं अहीनिन्द्रियं । इदम्पि खो, महाराज, सन्दिट्टिकं सामञफलं पुरिमेहि सन्दिट्ठिकेहि सामञफलेहि अभिक्कन्ततरञ्च पणीततरञ्च ।
68
Jain Education International
For Private & Personal Use Only
www.jainelibrary.org
