________________
४४
दीघनिकायो-१
कोमारभच्चजीवककथा
१५७. तेन खो पन समयेन जीवको कोमारभच्चो रज्ञो मागधस्स अजातसत्तुस्स वेदेहिपुत्तस्स अविदूरे तुम्हीभूतो निसिन्नो होति । अथ खो राजा मागधो अजातसत्तु वेदेहिपुत्तो जीवकं कोमारभच्चं एतदवोच - " त्वं पन, सम्म जीवक, किं तुम्ही "ति ? "अयं, देव, भगवा अरहं सम्मासम्बुद्धी अम्हाकं अम्बवने विहरति महता भिक्खुसन सद्धिं अड्ढतेळसेहि भिक्खुसतेहि । तं खो पन भगवन्तं एवं कल्याणो कित्तिसद्दो अब्भुग्गतो – 'इतिपि सो भगवा अरहं सम्मासम्बुद्धो विज्जाचरणसम्पन्नो सुगतो लोकविदू अनुत्तरो पुरिसदम्मसारथि सत्था देवमनुस्सानं बुद्धो भगवा 'ति । तं देवो भगवन्तं पयिरुपासतु । अप्पेव नाम देवस्स भगवन्तं पयिरुपासतो चित्तं पसीदेय्या'ति ।
१५८. " तेन हि, सम्म जीवक, हत्थियानानि कप्पापेही 'ति । " एवं देवा" ति खो जीवको कोमारभच्चो रञ्ञो मागधस्स अजातसत्तुस्स वेदेहिपुत्तस्स पटिस्सुणित्वा पञ्चमत्तानि हत्थिनिकासतानि कप्पापेत्वा रञ्ञो च आरोहणीयं नागं, रञ्ञो मागधस्स अजातसत्तुस्स वेदेहिपुत्तस्स पटिवेदेसि " कप्पितानि खो ते, देव, हत्थियानानि, यस्सदानि कालं मञ्ञसी "ति ।
(१.२.१५७-१५९)
१५९. अथ खो राजा मागधो अजातसत्तु वेदेहिपुत्तो पञ्चसु हत्थिनिकास सु पच्चेका इत्थियो आरोपेत्वा आरोहणीयं नागं अभिरुहित्वा उक्कासु धारियमानासु राजगहम्हा निय्यासि महच्चराजानुभावेन येन जीवकस्स कोमारभच्चस्स अम्बवनं तेन पायासि ।
Jain Education International
अथ खो रञ्ञो मागधस्स अजातसत्तुस्स वेदेहिपुत्तस्स अविदूरे अम्बवनस्स अहुदेव भयं, अहु छम्भितत्तं, अहु लोमहंसो । अथ खो राजा मागधो अजातसत्तु वेदेहिपुत्तो भीतो संविग्गो लोमहजातो जीवकं कोमारभच्चं एतदवोच - " कच्चि मं, सम्म जीवक, न वञ्चेसि ? कच्चि मं, सम्म जीवक, न पलम्भेसि ? कच्चि मं, सम्म जीवक, न पच्चत्थिकानं देसि ? कथञ्हि नाम ताव महतो भिक्खुसङ्घस्स अड्ढतेळसानं भिक्खुसतानं नेव खिपितसद्दो भविस्सति, न उक्कासितसद्दो न निग्घोसो 'ति ।
" मा भायि, महाराज, मा भायि, महाराज। न तं देव, वञ्चेमि; न तं देव,
44
For Private & Personal Use Only
www.jainelibrary.org
