________________
प्राकृतस्तोत्रप्रकाशः
२७३
भव्वसमोसरणत्थे, णासियदोसट्ठपाडिहेरजुए। अइसयगुणगणकलिए, भावरिहंते पणिवयामि ॥१२॥ पुव्वतइयभवगहणे, नरभावे वीसठाणविहिजोगा । संचियजिणनामवरे, अरिहंते थुणमि बहुमाणा ॥१३।। चरमभवे निवइकुले, समागए सुविणसूइए कुसले । दिसिकुमरिंदसुरेहि, त्थुए नमसामि अरिहंते ॥१४॥ अइसयचउक्ककलिए, जम्मखणा नाणतितयसंजुत्ते । सिट्ठायारे जुव्वण-समए पणमामि अरिहंते ॥१५॥ वियरणतोसियभविए, साहियचरणे विलद्धमणनाणे । अपमायसम्मनिलए, अरिहंते सव्वया वंदे ॥१६।। अडवण्णपमुहपगई, जेसिं बंधे विसुद्धलेसाओ । अडतीससयस्स तहा, सत्ता णे जिणवरे वंदे ॥१७।। सुहझाणालंबणए, वीरियसंपत्तखवगसेढीए । वंदे ते कयपुव्व-ट्ठिइरसघायाइपणगविही ॥१८॥ णासियवीसइपगई, नवमे दसमे विणट्ठलोहबले । गयमोहे छउमत्थे, दव्वरिहंते पणिवयामि ॥१९॥ खीणकसायंतखणे, गयघाइतिगे सुनिच्छयाऊया । तेरसमे ववहारा, झाणंतरिए महानाणी ॥२०॥ जिणनामोदयणंदी, समोसरणसोहिए य चउरूवे । सरलोवएसदाई, वयणाइसयाइगुणसहिए ॥२१॥ कम्मकए रुद्दमिओ, अइसयपयरो पसोहए जेसि । सुरविहिया गुणवीसा-इसया ते जिणवरे वंदे ॥२२॥ अइसयगुणवित्थारो, समवायंगे विरायए जेसि । वरवयणगुणवियासो, णा अरिहंते सरेमि सया ॥२३।। वसुहाए विहरते, सुरकोडीसेविए जहण्णा वि । धम्मकहिसत्थवाहे, वंदे वीरे महागोवे ॥२४॥ समणोवासगसुत्ते, वण्णियभावे सुमाहणे पकिवे । णिज्जामगमग्गदए, भावरुहंते पझाएमि ॥२५।। णियकम्मेगत्तहणे, झाणाईए पसन्नमुहकमले । कल्लाणवण्णवण्णे, भावा वंदामि अरहते ॥२६।। अच्चंता तित्थयरे, पयत्थभावं मणंसि भावेंता । सच्चाणंदसरूवा, खिप्पं भविया हवंति मुया ॥२७॥ उवयारित्तसहावा, जे पयपणगे पयासिया पढमा । णे पुज्जतित्थणाहा, सरियव्वा चित्तथिज्जेणं ॥२८।।
