________________
निरयावलियासु
[१७१
कलाओ जहा महाबलस्स, पन्नासओ दाओ, पन्नासरायकन्नगाणं एगदिवसेणं पाणिग्गहणं... नवरं निसढे नामं, जाव उप्पि पासायं विहरइ ॥ १७१ ॥
७०
तेणं कालेणं २ अरहा अरिट्ठणेमी आइगरे दस धणूइं .... वण्णओ, जाव समोसरिए । परिसा निग्गया ॥ १७२ ॥
तए णं से कण्हे वासुदेवे इमीसे कहाए लट्ठे समाणे हट्टतुट्ठे कोडुम्बियपुरिसे सहावेइ, २ एवं वयासी" खिप्पामेव, देवाणुप्पिया, सभाए सुहम्माए सामुदाणियं भेरिं तालेहि" । तर णं से कोडुम्बियपुरिसे जाव पडिसुणित्ता जेणेव सभाए सुहम्माए सामुदाणिया भेरी, तेणेव उवागच्छइ । २ तं सामुदाणियं भेरिं महया २ सद्देणं तालेइ. ॥ १७३ ॥
-
तपणं तीसे सामुदाणियाए भेरीए महया २ सद्देणं तालि याए समाणीए समुहविजयपामोक्खा दसारा, देवीओ भाणियव्वाओ, जाव अणङ्गसेणापामोक्खा अणेगा गणिया-सहस्सा अन्ने य बहवे राईसर जाव 'सत्थवाहप्पभिईओ व्हाया जाव 'पायच्छित्ता सव्वालंकारविभूसिया जहाविभवइड्डीसक्कारसमुदपणं अप्पेगइया हयगया जाव पुरिसवग्गुरापरिक्खित्ता जेणेव कण्हे वासुदेवे, तेणेव उवागच्छइ, २ करयल' कण्हं वासुदेवं जपणं विजएणं वद्धावन्ति ॥ ९७४ ॥
तए णं से कण्हे वासुदेवे कोडम्बियपुरिसे एवं वयासी"खिप्पामेव, भो देवाणुप्पिया, आभिसेक्क हत्थि कप्पेह हयगय - रहपवर " जाव पञ्चप्पिणन्ति । तए णं से कण्हे वासुदेवे मज्जणघरे जाव दुरूढे, अट्ठट्ठ मङ्गलगा, जहा कूणिए, सेयवरचामरेहि उद्धव्यमाणेहि २ समुहविजयपामोक्खेहिं दसहिं.
