________________
११३] तइओ वग्गो
४९ समियाओ मणगुत्तीओ वयगुत्तीओ कायगुत्तीओ गुत्तिन्दियाओ गुत्तबम्भयारिणीओ बहुस्सुयाओ बहुपरियाराओ पुव्वाणुपुस्विं चरमाणीओ गामाणुगामं दूइजमाणीओ जेणेव वाणारसी नयरी, तेणेव उवागयाओ। उवागच्छित्ता अहापडिरूवं उग्गहं ओगिणिहत्ता संजमणं तवसा विहरन्ति ॥११२॥
तए णं तासि सुव्वयाणं अजाणं एगे संघाडए वाणारसीनयरीए उच्चनीयमज्झिमाइं कुलाई घरसमुदाणस्स भिक्खायरियाए अडमाणे भद्दस्स सत्यवाहस्स गिहं अणुपविटे । तए णं सुभद्दा सत्थवाही ताओ अजाओ एजमाणीओ पासइ । २ हट्ट...खिप्पामेव आसणाओ अब्भुट्टेइ । २ सत्तट्ठ पयाई अणुगच्छइ । २ वन्दइ, नमंसइ । २ विउलेणं असणपाणखाइमसाइमेणं पडिलाभेत्ता एवं वयासी-" एवं खलु अहं, अजाओ, भद्देणं सत्थवाहेणं सद्धिं विउलाई भोगभोगाई भुञ्जमाणी विहरामि, नो चेव णं अहं दारगं वा दारियं वा पयायामि । तं धन्नाओ णं ताओ अम्मयाओ, जाव एत्तो एगमवि न पत्ता। तं तुब्भे, अजाओ, बहुणायाओ बहुपढियाओ बद्दणि गामागरनगर' जाव संनिवेसाई आहिण्डह, बहूर्ण राईसरतलवर जाव 'सत्थवाहप्पमिईणं गिहाई अणुपविसह, अत्थि से केइ कहिंचि विजापओए वा मन्तप्पओए वा वमणं वा विरेयणं वा बत्थिकम्मं वा ओसहे वा भेसज्जे वा उवलद्धे, जेणं अहं दारगं वा दारियं वा पयापज्जा?" ॥११३॥ तए णं ताओ अजाओ सुभई सत्थवाहिं एवं वयासी
