________________
२८
निरयावलियासु
[६०
पन्ते, तेणेव उवागच्छर, २ चेडयस्स रनो जोयणन्तरियं खन्धावारनिवेस करेइ ॥ ६० ॥
तपणं ते दोन वि रायाणो रणभूमिं सजावेन्ति, २ रणभूमिं जयन्ति । तए णं से कूणिए राया तेत्तीसाए दन्तिसहसेहिं जाव मणुस्सकोडीहिं गरुलवूहं रएइ, २ गरुलवूहेणं रहमुसलं संगामं उवायाए । तए णं से चेडगे राया सत्तावनाए दन्तिसहस्सेहिं जाव सत्तावन्नाए मणुस्सकोडीहिं सगडवूहं रएइ, २ सगडवूहेणं रहमुसलं संगामं उवायाए । तए णं ते दोन्ह वि राईणं अणीया संनद्ध जाव गहियाउहपहरणा मंगतिएहिं फलएहिं निकट्ठाहिं असीहिं अंसागएहिं तोणेहिं सजीवेहिं धहिं समुक्खित्तेहिं सरेहिं समुलालियाहिं डावाहिं ओसारियाहिं ऊरुघण्टाहिं छिप्पत्तरेणं वज्रमाणेणं महया उक्किसीहनायवोलकलकलरवेणं समुहरवभूयं पिव करेमाणा सव्विड्डीए जाव रवेणं हयगया हयगहिं गयगया गयगएहिं रहगया रहगएहिं पायत्तिया पायतिपहिं अन्नमन्नेहिं सद्धि संपलग्गा यावि होत्था । तए णं ते दोण्ह वि रायाणं अणीया नियगसामीसासणाणुरन्ता महया जणक्खयं जणवहं जणप्पमदं जणसंवट्टकप्पं नञ्चन्तकबन्धवारंभीमं रुहिरकद्दमं करेमाणा अन्नमन्नेणं सद्धि जुज्झन्ति
॥ ६१ ॥
तणं से काले कुमारे तिहिं दन्तिसहस्सेहिं जाव मणूसकोडीहिं गरुलवूहेणं एक्कारसमेणं खन्धेणं कूणिएणं रन्ना सद्धि रहमुसलं संगामं संगामेमाणे हयमहिय, जहा भग
१. A W कार .
