________________
२६
निरयावलियासु
[५५
से कूणिए राया जेणेव मज्जणघरे तेणेव उवागच्छड, जाव पडिनिम्गच्छित्ता जेणेव बाहिरिया उवद्वाणसाला जाव नरवई, दुरूढे ॥ ५५ ॥
तर णं से कूणिए राया तिहिं दन्तिसहस्सेहिं जाव रखेणं चम्पं नयरिं मज्झंमज्झेणं निग्गच्छइ । २ जेणेव कालाईया दस कुमारा तेणेव उवागच्छछ । २ कालाइएहिं दसहिं कुमा रेहिं सद्धिं एगओ मेलायन्ति । तप णं से कूणिए राया तेत्तीसार दन्तिसहस्सेहिं तेत्तीसाए आससहस्सेहिं तेत्तीसाए रहसहस्सेहिं तेत्तीसाए मणुस्सकोडीहिं सद्धि संपखिडे सविडीए जाव रखेणं सुभेहिं वसईर्हि सुभेहिं पायरासेहिं नाइविगिट्ठेहिं अन्तरावासेहिं वसमाणे २ अङ्गजणवयस्स मज्झंमज्झेणं जेणेव विदेहे जणवए, जेणेव वेसाली नयरी, तेणेव पहारेत्थ गमणाए ॥ ५६ ॥
तए णं से चेडए राया इमीसे कहाए लट्ठे समाणे नव मल्लई नव लेच्छई कासीकोसलगा अट्ठारस वि गणरायाणो सहावेइ, २ एवं वयासी- " एवं खलु देवाणुप्पिया, वेहल्ले कुमारे कूणियस्स रन्नो असंविदिषणं सेयणगं अट्ठारसर्वकं च हारं गहाय इहं हव्वमागए। तए णं कूणिएणं सेयणगस्स अट्ठारसर्वकस्स य अट्ठाए तओ दूया पेसिया । ते य मए इमेणं कारणेणं पडिसेहिया । तए णं से कूणिए ममं एयमठ्ठे अपडिसुणमाणे चाउरङ्गिणीए सेणाए सद्धि संपरिवुडे जुद्धसजे इहं हव्वमागच्छइ । तं किं णं, देवाणुप्पिया, सेयणगं अट्ठारसवंकं कूणियस्स रन्नो पच्चप्पिणामो ? वेहल्लं कुमारं पेसेमो ? उदाहु जुज्झित्था ? " तप णं नव मलाई नव लेच्छई कासीकोसलगा अट्ठारस वि गणरायाणो चेडगं रायं एवं
