________________
तेणं कालेणं तेणं समएणं समणे भगवं महावीरे जाव विहरइ । परिसा णिग्गया । तए णं अलक्के राया इमीसे कहाए लद्धढे हद्वतुढे जहा कोणिए जाव धम्मकहा | तए णं से अलक्के राया समणस्स भगवओ महावीरस्स अंतिए जहा उदायणे तहा णिक्खंते, णवरं जेट्ठपुत्तं रज्जे अभिसिंचड़ । एक्कारस अंगाई | बहू वासा परियाओ जाव विपुले सिद्धे । एवं खल जंब ! समणेणं भगवया महावीरेणं जाव संपत्तेणं अद्वमस्स अंगस्स अंतगडदसाणं छट्ठस्स वग्गस्स अयमढे पण्णत्ते ।
|| छट्ठो वग्गो समत्तो ||
सत्तमो वग्गो
१-१३ अज्झयणाणि
णंदादि
|
जइ णं भंते ! समणेणं भगवया महावीरेणं अट्ठमस्स अंगस्स अंतगड- दसाणं छहस्स वग्गस्स अयमढे पण्णत्ते, सत्तमस्स वग्गस्स के अढे पण्णत्ते ? एवं खलु जंबू ! समणेणं भगवया महावीरेणं अट्ठमस्स अंगस्स अंतगडदसाणं सत्तमस्स वग्गस्स तेरस अज्झयणा पण्णत्ता, तं जहाणंदा तह णंदवई, णंदुत्तर णंदिसेणिया चेव । मरुता सुमरुता महामरुता, मरुदेवा य अट्ठमा ॥१॥ भद्दा य सुभद्दा य, सुजाया सुमणाइया । भूयदिण्णा य बोधव्वा, सेणिय भज्जाण णामाइं ॥२॥ जइ णं भंते ! समणेणं भगवया महावीरेणं अट्ठमस्स अंगस्स अंतगडदसाणं सत्तमस्स वग्गस्स तेरस अज्झयणा पण्णत्ता, पढमस्स णं भंते ! अज्झयणस्स के अढे पणणत्ते ? एवं खलु जंबू ! तेणं कालेणं तेणं समएणं रायगिहे णयरे | गुणसिलए चेइए । सेणिए राया, वण्णओ | तस्स णं सेणियस्स रण्णो णंदा णामं देवी होत्था, वण्णओ | सामी समोसढे, परिसा णिग्गया । तए णं सा गंदा देवी इमीसे कहाए लट्ठा हद्वतुट्ठा कोडुबियपुरिसे सद्दावेइ, सद्दावेत्ता जाणं दुरुहइ । जहा पउमावई जाव एकारस अंगाइ अहिज्जित्ता वीसं वासाइं परियाओ जाव सिद्धा । एवं तेरस वि देवीओ णंदा-गमेण णेयव्वाओ ।
॥ सत्तमो वग्गो समत्तो ||
