Page Text
________________
११०
जैन साहित्य संशोधक
[भाग.
आगे पिण इणारी हवेली-उदेपुर राणाजी, कोटेरा महारावजी, बीकानेररा किषनगढरा बुंदीरा राजाजी इन्दोररा हुलकरजी प्रमुख सर्व देशारा राजवी जनांने समेत इणारे घरे पधान्य देणो लेणो हजारांरो कीयो । दिल्लिरे पातसाहरी अंगरेजारे पातसाहरी दीयोडी सेठ पदवी हे सो विक्षातही ज हे । पछे संघरी लाहण न्यातमें दीवी पुतली १ सोनेकी बाली १ मीश्री सेर १ घर दीठ दीवी । जीमण कीया पछे सेरमें ठावाठावाने सीरपाव दीया । गढमाहेलां मंदिरां लोद्रवे ऊपाश्रये बडो चढापो कीयो इण मुजनही ज उदयपुर कोटे देणो लेणो कीयो । संघमें देहरासररो रथ हो जणरा इक्कावन सो लागा। ब्रगडा सोने रूपेरा २ जिणरा दश हजार लागा मंदिरा सोने रूपेरी वासणारा १५ हजार लागा। दुजा फुटकर सराजांमरा लाख १ रू० लागा। __ हवे संघमें जाबतो हो जिणरी वीगत-तोफां ४, पलटनरा लोग ४०००, अशवार १५००, नगारे नी माण समेत । उदैपुर राणाजीरा असवार ५०० नगारे निसाणे समेत । कोटेरा महारावजीरा अशवार १०० नगारे नीसाण समेत । जोधपुररे राजाजीरा असवार ५० नगारे नींसाण समेत । पायदल १०० जेसलमेररा रावलजीरा, असवार २०० टुकरे नबाबरा, असवार ४०० फुटकर असवार २०० घरु ओर अंगरेजी जावतो, चपडासी तिलंगा सोनेरी रूपेरी घोटेवाला जायगा २ परवानां बोलावा एवं पालख्या ७ हाथी ४ म्याना ५१ रथ १००, गाड्यां ४००, उठ १५००, इतरातो संघव्यांरा घरु । संघरी, गाड्यां उठ प्रमुख न्यारा, सर्व खरचरा, २३०००००, तेवीसलाख रू. लागा ॥
इति संघरी संक्षेप प्रशस्ती लिखी। ओर–पण ठकाणे २ धर्मरा काम करया सा संक्षपे लिखाये छै-श्री धुलेवे जोरे बारणे नोबत खांनो करायो गहणो चढायो, लाख १ लागा ।.मक्षीजीरे मंदिररो जीर्णोद्धार करायो । उद्देपुरमें मंदिर, दादासाहिबरी छतरी, धर्मशाला कराइ । कोटेमें मंदिर धर्मशाला दादासाहिब छतरी कराइ । जेसलमेरमें अमरसागरमें बाग करायो जिणमें मंदिर करायो जयवंतोरो उपाश्रय करायो लोद्रवेमें धर्मशाला कराइ, गढमाथे जमी मंदिरके लिये लीवी बीकानेरमें दादासाहिबरी छतरी कराई इत्यादिक ठीकाणे २ धर्मरा अहीठाण कराया श्रीपुज्यजीरा चोमासा जायगा २ कराया पुस्तकांरा भंडार कराया भगवतिजी प्रमुख सुण्या प्रश्न दीठ २ मोती धन्या । कोटामें दोय लाख रूप्यादेकर बंदीखानो छेडायो बीज पांचम आठम इग्यारस चउदशरा उजमणा कीना इत्यादिक काम धरमरा कीया मोर कर रयाहे । इत्यलम् ॥
सवइयो ३१ सोशोमनीक जे साणमें बाफणा गुमानचंद ताके सुत पांच पांडव समान है। संपदामें अचल बुद्धिमें प्रबल रावराणाही माने जाकी कान हे । देवगुरु धर्मरागी पुन्यवंत वडभागी जगत सहु वात मानें प्रमान हे । देशहु विदशमांह कीरत प्रकाश कीयो सेठ सउ हेठ कवि कर्त बखानहै ॥ १ ॥
Aho! Shrutgyanam
| SR No. | 009877 |
| Book Title | Jain Sahitya Sanshodhak Khand 01 Ank 01 to 02 |
| Original Sutra Author | N/A |
| Author | Jinvijay |
| Publisher | Jain Sahitya Sanshodhak Samaj Puna |
| Publication Year | 1922 |
| Total Pages | 274 |
| Language | Hindi, Sanskrit |
| Classification | Book_Devnagari |
| File Size | 23 MB |