Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
उबवाइयं . सुहसेउकेउबहुला अणेगरह - जाण - जुग्ग]-सिविय-पविमोयणा सुरम्मा पासादीया दरिसणिज्जा अभिरुवा पडिरूवा तेणं तिलया लउया जाव नंदिरुक्खा अण्णाहिं बहूहिं पउमलयाहिं नाणलयाहिं असोगलयाहिं चंपगलयाहिं चूयलयाहिं वणलयाहि वासंतियलयाहि अइमुतवलयाहिं कुंदलयाहिं सामलयाहिं सब्यो समंता संपरिखित्ता ताओणं पउमलयाओजावसामलयाओ निचं कुसुमियाओ जाव वडेंसगधराओ पासादीयाओ दरिस-णिजाओ अभिरुवाओ पडिरूवाओ।४।-4
(५) तस्स णं असोगवरपायवस्स उपरि बहवे अटअट्ठ मंगलगा पन्नत्ता तं जहा-सोयस्थियसिरिवच्छ - नंदियावत्त - बद्धमाणग-मदासण-कलस-पच्छ-दप्पणा सव्वरयणामया अच्छा सण्हा लण्हा घट्टा मट्ठा नीरया निम्मला निप्पंका निक्कंकडच्छाया सप्पहा समीरिया सउज्जोया पासादीया दरिसणिज्जा अभिरूवा पडिरूवा तस्स णं असोगवरपायवस्स उवरि बहवे किग्हचा-मरज्झया नीलचामरज्झया लोहियचामरज्झया हालिद्दचामरज्झया सुक्किलचामरज्झया अच्छा सण्हा रुप्पपट्टा वइरदंडा जलयामलगंधिया सुरप्पा पासादीया दरिसणिज्जा अभिरूवा पडिरूवा तस्स णं असोगवरपायवस्स उवरि बहवे छत्ताइछत्ता पडागाइपडागा घंटाजुयला चामरजुबला उप्पल- हत्थगा पउमहत्याग कुमुयहत्यगा नलिणहत्थगा सुभगहत्थगा सोगंधियहत्थगा पुंडरीयहस्थगा महापुंडरीयहत्यगा सयपत्तहत्थगा सहस्सपत्तहत्थगा सब्बरवणामया अच्छा जाव पडिरूवा तस्स णं असोगवरपायवस्स हेठ्ठा इसिं खंध-समल्लीणे एत्य णं महं एक्के पुढविसिलापट्टए पन्नत्ते-विक्वंमायाम-उस्सेह-सुप्पमाणे किण्हे अंजणग-वाण कुवलय-हलधरकोसेजागास-केस-कज्जलंगी खंजण- सिंगभेद-रिट्टय-जंबूफल • असणग - सणबंधमणीलुप्पलपत्तनिकर - अयसिकुमुभप्यगासे मरगय-मसार-कलित्त-नयणकीयरासिवण्णे निद्धधणे असिरे आयंसय तलोबसे सुरम्ये ईहामियउसभ-तुरग-नर-मगर-विहग-वालग-किन्नर-रुरु-सरभ-चमर- कुंजर - वणलय · एउमलयभत्तिचित्ते आइ- णग-रूप-बूर-नवणीयतूलफासे सीहासणसंठिए पासादीए दरिसणिज्जे अभिरूवे पडिस्वे।५।-5
(६) तत्थ णं चंपाए नयरीए ऋणिए नाम राया परिवसइ-महयाहिमवंत-महंत-मलय-मंदरमहिंदसारे अविसुद्ध-दीहराय-कुल-वंस-सुप्पसूए निरंतरं रायलखण-विराइयंगमंगे बहुजणबहुमाण-पूइए सव्वगुण-समिद्धे खत्तिए मुइए मुद्धहिसित्ते माउपिउ-सुजाए दयपत्ते सीमंकरे सीमंधरे खेमंकरे खेमंधरे मणसिंदे जणवचपिया जणवयपाले जणवयपुरोहिए सेउकरे केउकरे नरपवरे पुरिसवरे पुरिससीहे पुरिसवाधे पुरिसासीविसे पुरिसपुंडरीए पुरिसवरगंधही अड्ढे दित्ते वित्ते विच्छिग्ण-विउल-भवण-सयणासण-जाण-वाहणाइण्णे बहुधणबहुजायस्वरयए आओगपओग-संपउत्ते विच्छड्डिय-पउर-भत्तपाणे बहुदासी-दास-गो-महिस-गवेलगप्पभूए पडिपुन-जंतकोस-कोहगाराउधागारे बलवंदुब्बलपच्चामित्ते ओहयकंटयं निहयकंटयं मलियकंटयं उद्धियकंटयं अकंटयं ओहयसत्तुं निहयसत्तुं मलियसत्तुं उद्धियसत्तुं निज्जियसत्तु पसइयसतुं ववगयदुभिक्खं मारि-भय-विप्पमुककंखेमंसिवंसभिक्खं पसंत-डिंब-डमरंरचंपसासेमाणे विहरइ।।16
(७) तस्स णं कोणियस्स रण्णो धारिणी नामं देवी होत्था-सुकुमाल-पाणिपाया अहीणपडिपुत्र-पंचिंदियसरीरा लक्खण-बंजण-गुणोववेया माणुम्माणप्पमाण-पडिपुत्र-सुजाय-सव्वंगसुंदरंगी ससिसोमाकार-कंत-पिय-दसणा सुरूवा करयल-परिमिय पसत्य-तिवली-वलिय-मज्झा कुंडलुल्लिहिय-गंडलेहा कोमुइ-रयणियर-विमल-पडिपुत्र सोप-वयणा सिंगारागार-चारुवेसा संगय
For Private And Personal Use Only
| SR No. | 009738 |
| Book Title | Agam 12 Uvavayaim Uvangsutt 01 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 50 |
| Language | Prakrit |
| Classification | Book_Devnagari, Agam, Canon, Agam 12, & agam_aupapatik |
| File Size | 1 MB |