Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
सुयक्छंपो-२, अज्झयणं-१
दिसीभाए एत्थ णं पुप्फकरंड नामं उज्जाणे होत्था-सव्वोउय- पुप्फ-फल-समिद्धे तस्य णं कचवणमालपियस्स जक्खस्स जक्खाययणे होत्था - दिव्वे तत्थ णं हत्थिसीसे नयरे अदीणसत्तू नामं रावा होत्यामहयाहिमंवत-महंत-मलय-मंदर-महिंदसारे तस्स णं अदीणसत्तुस्स रण्णो धारिणीपामोक्खं देवीसइस्सं ओरोहे यावि होत्या तए णं सा धारिणी देवी अण्णया कयाइ तंसि तारिसगंसि वासभवणंसि सीहं सुमिणे पासइ जहा मेहस्स जम्मणं तहा भाणियव्वं तए णं तं सुबाहुकुमारं अम्मापियरो बाबत्तरिकलापंडियं जाव अलंभोगसमत्वं वा जाणंति जाणित्ता अम्मापियरो पंच पासायवडेंसगसयाई कारेति-अब्भुग्गमूसियपहसियाई एगं च णं महं भवणं कारेति एवं जहा महव्वलस्स रण्णो नवरंपुष्फ- चूलापामोक्खाणं पंचन्हं रायवरकन्नगसयाणं एगदिवसेणं पाणिं गिण्हावेति तहेव पंचसइओ दाओ जाव उपिं पासायवरगए फुट्टमाणेहिं जाव विहरइ तेणं कालेणं तेणं समएणं समणे भगवं महावीरे समोसढे परिसा निग्गया अदीणसत्तू जहा कूणिए तहा निग्गए सुबाहु वि जहा जमाली तहा रहेणं निग्गए जाव धम्मो कहिओ राया परिसा गया तए णं से सुबाहुकुमारे समणस्स भगवओ महावीरस्स अंतिए धम्मं सोच्चा निसम्मं हडतुट्टै उठाए उट्ठेइ जाव एवं वयासी सद्दाहमि णं भंते निग्गंथं पावयणं जहा णं देवाणुप्पियाणं अंतिए बहवे राईसर- जाव पव्वयंति नो खलु अहं तहा संचाएभि पव्यइत्तए अहं णं देवाणुप्पियाणं अंतिए पंचाणुव्वइयं सतसिक्खावइयं दुवालसविहं गिहिधम्मं पडिवजामि अहासुर्ह देवाणुप्पिया मा पडिबंधं करेह तए णं से सुबाहू समणस्स भगवओ महाबीरस्स अंतिए पंचाणुव्वइयं सत्तसिक्खावइयं दुबालसविहं गिरिधम्मं पडिवज्र पडिवजित्ता तमेव चाउघंटं आसरहं दुरुहइ दुरुहित्ता जामेव दिसं पाउब्यूए तामेव दिसं पडिगए तेणं कालेणं तेणं समएणं समणस्स भगवओ महावीरस्स जेट्टे अंतेवासी इंदभूई जाव एवं ववासी- अहो इणं भंते सुबाहुकुमारे इट्ठे इरूवे कंते कंतरूवे पिए पियरूवे मणुष्णे मणुष्णरुवे मणामे मणामरूवे सोमे सोमरूवे सुभगे सुभगरूवे पिपदंसणे सूरुवे बहुजणस्स वि य णं भंते सुबाहुकुमारे इट्ठे इट्ठरूवे जाब सुरूवे साहुजणस्स वि य णं भंते सुबाहु कुमारे इट्टे इवरूवे जाव सुरूवे सुबाहुणा भंते कुमारेणं इमा एयारूचा उराला माणुसिद्धी किण्णा लद्धा किण्णा पत्ता किण्णा अभिसमण्णागया के वा एस आसि पुव्वमवे जाव अभिसमण्णागया गोयमाइ समणे भगवं महावीरे भगवं गोयमं आमंतेत्ता एवं वयासीएवं खलु गोमातेणं कालेणं तेणं समएणं इहेव जंबुद्दीवे दीवे भारहे वासे हथिणाउरे नामं नयरे होत्या-रिद्धत्थिमियसमिद्धे तत्थ णं हत्थिणाउरे नयरे सुमुहे नामं गाहावई परिवसइ अड्ढे तेणं काणं तेणं समएणं धम्मघोसा नामं थेरा जाइसंपन्ना जाव पंचहिं समणसएहिं सद्धिं संपरिवुडा पुव्वाणुपुच्चि चरमाणा गामाणुगामं दूइजमाणा जेणेव हत्थिणाउरे नयरे जेणेव सहस्संबवणे उज्जाणे तेणेव उवागगच्छति उवागच्छित्ता अहापडिरूवं ओहं ओगिण्हित्ता संजमेणं तवसा अप्पाणं भावेमाणा विहरंति तेणं कालेणं तेणं समएणं धम्मघोसाणं थेराणं अंतेवासी सुदते नामं अणगारे ओराले [ धोरे धोरगुणे धोरतवस्सी धोरवंभचेरवासी उच्छूढसरीरे संक्खित्तविउल) -तेयलेस्से मासंमासेणं खममाणे विहरइ तए णं से सुदत्ते अणगारे मासखमणपारणगंसि पढमाए पोरिसीए सज्झायं करेइ जहा गोयमसामी तहेव धम्मघोसे धेरे आपुच्छइ जाव अडमाणे सुपुहस्स गाहावइस्स गिहे अनुपविट्टे तए णं से सुमुहे गाहावई सुदत्तं अणगारं एजमाणं पासइ पासित्ता हट्ठतुट्टे आसणाओ अमु अद्वेता पायवीढाओ पञ्च्चोरूहइ पञ्च्चोरूहित्ता पाउयाओ ओमुयइ ओमुइता एगसाडियं उत्तरासंगं करेइ करेत्ता सुदत्तं अणगारं सत्तट्ठ पयाई पच्चुग्गच्छइ पशुग्गच्छित्ता तिक्त्ती आयाहिणं
For Private And Personal Use Only
३७
| SR No. | 009737 |
| Book Title | Agam 11 Vivagsuyam Angsutt 11 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 50 |
| Language | Prakrit |
| Classification | Book_Devnagari, Agam, Canon, Agam 11, & agam_vipakshrut |
| File Size | 1 MB |