Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
पाहायागरणं - १/१९ आरामुजाण-मणाभिरामपरिमंडियस्स दाणिड्डवेयगिरिविभत्तस्स लवणजलहिपरिगयस्स छविहकालगुणकमजुत्तरस अद्धभरहस्स सामिका धीरकित्तिपुरिसा ओहबला अइदला अनिहवा अपराजियसत्तुमद्दणा रिपुसहस्स-माणमहणा साणुक्कोसा अमच्छरी अचवला अंबडा मितमंजुलपलावा हसिव-गंभीर-महुरभणिया अभुवगयवच्छला सरण्णा लम्वण-वंजण-गुणोववेया माणुप्माण-पमाण-पडिपुत्रा-सुजाय-सव्वंगसुंदरंगा ससि-सोमागार-कंतपियदसणा अमरिसणा पयंडडप्पयार-गंभीर-दरिसणिज्जा तालद्धय-उब्बिद्धगरुलकेऊ बलवग-गजुत-दरित-दप्पित-मुट्ठियचाणूरमूरगा रिद्ववसभघाती केसरिमुह-विप्फाडगा दरितनागदप्पमहणा जमलजुणभंजगा महासउणि-पूतणरिक कंसमउडमोडगा जरासंघ पाणमहणा तेहि य अविरल-सम-सहिय-चंदपंडलसमप्पमेहिं सूरपिरीयकवयं विणिमुयंतेहिं सपतिदंडेहिं आयवत्तेहिं धरिजंतेहिं चिरायंता ताहि य पवरगिरिगुहरविहरणसमुद्धियाहिं निरुवहयचमर-पछिमसरीर-संजाताहिं अमइल-सियकमलविणिमुकुलुञ्जलित-रयतगिरिसिहर-विमलससि-किरणसरिस-कलहोच-निम्मलाहिं पवणाहवचवल- चलिय-सललिय-पणच्चिय-वीइपसरिय-खीरोदगपवरसागरुप्पूरचंचालहिं माणससरपसरपपिचि-यावास-विसदवेसाहिं कणगगिरिसिहर-संसिताहिं ओवायुप्पाय चवलजयिणसिग्धवेगाहिं हंसव- धूयाहि चेव कलिया नाणामणिकणग-महरिहतवणिज्जुजलविचित्त-डंडाहि सललिपाहि नरवतिसि-रिसमुदयप्पकासणकरीहिं वरपट्टगुग्गयाहि समिद्धरावकुल-सेविचा कालागुरुपवरकुंदुरुक्क तुरुक्क-धूववसवास विसद-गंधुघुयाभिरामाहिं चिल्लिकाहिं उभयोपासंपि चामराहिं उकिकप्प- माणाहिं सुहसीतलवातवीतियंगा अजिता अजितरहा हल-मुसल-कणगपाणी संखवक-गय-सत्ति-नंदगधरापवरुज्जलसुकाय-विमलकोत्थुभ-तिरीडधारी कुंडलउनोवियाणणापुंडरीय-नणया एगावलीकंठरइयवच्छा सिरिवच्छसुलछणा वरजसा सव्वोऽय-सुरभि-कुसुर-सुरइयपलंव-सोहंत-वियसंत-चित्तवणमालरइयवच्छा अट्ठसयविभत्त-लक्खण-पसत्थसुंदर विराइयंगमंगा मत्तगयवरिंद-ललियविक्कम-विलसियगती कडिसुत्तगनील-पीत-कोसेजवाससा पवरदित्ततेया तारयनव-थणिय-महुरगंभीर-निद्धघोसा नरसीहा सीहविककमगई अथमिय-पवररायसीहा सोमा वारवइ-पुत्रचंदा पुवकडतवप्पभावा निविट्ठसंचियसुहा अणेगवाससयमायुवंतो मजाहि य जणवयप्प- हाणाहि लालियंता अतुलसद्द-फरिस-रस रूव-गंधे अनुभवेत्ता ते वि उवणमति मरणधर्म अवितित्ता कामाणं भुजो मंडलिव-नावरेंदा सबला सअंतेउरा सपरिसा सपुरोहिय-अमच्चदंडना- यक-सेणावति-मंतनीतिकुसला नाणामणियरण-विपुलधण-धन-संचयनिहीं समिद्धकोसा रजसिरिं विपुलमणुभवित्ता विकककोसंता बलेणं मता ते वि उवणमंति मरणधम्म अवितित्ता कामाणं भुञ्जो उत्तरकुरु-देवकुरु-वणविवर-पायचारिणो नरगणा भोगुत्तमा भोगलक्खणधरा भोगसस्सिरीया पसत्थसोम्मपडिपुत्ररूवरिसणिज्जा सुजात-सव्वंग-सुंदरंगा रतुप्पलपत्तकंत-कर-चरणकोमलतला सुपइट्ठिय-कुम्माचारुचलणा अनुपुग्यसुसंहयंगुलीया उन्नततणुतंबनिद्धनम्खा संठियसुसिलिट्ठगूढगोंफा एणी-कुरुविंद-वत्त-वाणुपुवजंघा समुग्ग-निसानगूढजाणू वावारणमत्ततुल्लवि- क्कम-विलासितगती वरतुरग-सुजायगुज्झदेसा आइण्णहयव्व निरुवलेवा पमुइवरतुरगसाहअतिरेगवट्टियकडीसाहतसोणंद-मुसल- दप्पण-निगरियवरकणगच्छरुसरिस-वरवरवलियमझा उजुग - सम - सहिय-जचतणु कसिण-निद्ध-अदेज-लडह-सूमाल मउयरोमाई झस-विहगसुजातपीण-कुच्छी झसोदरा पम्हविगडनाभा सत्रतपासा संगयपासा सुंदपासा सुजातपासा
For Private And Personal Use Only
| SR No. | 009736 |
| Book Title | Agam 10 Panhavagaranam Angsutt 10 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 42 |
| Language | Prakrit |
| Classification | Book_Devnagari, Agam, Canon, Agam 10, & agam_prashnavyakaran |
| File Size | 1 MB |