Page Text
________________
Shri Mahavir Jain Aradhana Kendra
-
www.kobatirth.org
सुसंधी-१, अक्षयणं-४
जलण-दीव - उदहि-दिस-पवण-यणिया अणवण्णिय-पणवष्णिय - इसि वादिय-भूयवादियकंदियमहाकंदिय-कूड - पतगदेवा पिसाय भूय- जक्ख- रक्खस्स किन्नर - किंपुरिस-महोरग-गंधव्व-तिरियजोइस विषाणदासि मणुयगणा जलयर - थलयर -खहयरा य मोहपडिबद्धचित्ता अवितण्हा कामभोगतिसिया तहाए बलवईए महईए समभिभूया गढिया य अतिमुच्छिया य अबंमे ओसण्णा तामसेण भावेण अनुप्मुक्का दंसण-चरित्तमोहस्स पंजरं पिव करेति अष्णोष्णं सेवमाण भुजो असुर- सुर- तिरिय-पय- मोगरति- बिहार संपउत्ता य चक्कवट्टी सुरनरवतिसक्कया सुरवरव्व देवलोए मरह- नग-नगर-नियम- जणवय-पुरवरदोणमुह-खेड-कब्बड-मडंद-संवाह-पट्टण-सहस्समंडिवं थिमिय- मेणियं एगच्छत्तं ससागरं भुंजिऊण वसुहं नरसीहा नरवई नरिंदा नरवसमा मरुयवसभकप्पा अव्महियं रायतेय-लच्छीए दिप्पमाणा सोमा रायवंस-तिलगा रवि-ससि-संख-बरचक्क -सोत्थिय-पडाग- जव-मच्छ-कुम्म रहवर-भग-भवण-विमाण तुरय- तोरण- गोपुर-मणि-रयण-नंदियावत्त- मुसल नंगल सुरइयवरकप्प रुक्ख मिगवति मद्दासण- सुरुचि - धूम-चरमउड-सरिय कुंडल- कुंजर - वरवसम - दीव-मंदिर- गरुल द्धय इंदकेउ दप्पण- अड्डायय-चाव-बाण-नक्खत्त- मेहमेहल - वीणा - जुग - छत्त-दाम-दामिणि- कमंडलु-कमल-घंटा-वरपोत- सुइ-सागर कुमुदगार-मगरहार - गागर - नेइउर- नग-नगर-वइर- किन्नर - मयूर-वररायहंस-सारस-चकोर चक्कवागमिहुण-चामर- खेडग पव्वीसग विपंचि वरतालियंट- सिरिया-भिसेय-मेइणि खग्ग- -अंकुस - विलमकलसभिंगार-वद्धमाणग-पसत्य-उत्तमविभ-तवर-पुरिसलक्खणधरा बत्तीसं रायवरसहस्साणुजायमग्गा चउसट्ठिसगस्सपवरजुवतीण नयणकंता रत्ताभा पउमपह- कोरंटगदाम- चंपक- सुतवितयरकणकनिहसवण्णा सुजाय-सव्वंगसुंदरंगा महग्ध-वरपट्टणुग्गय-विचित्तराग-एणि-पेण-निम्मिय-दुगुल्लवरचीणपट्ट-कोसेज्ज-सोमीसुत्तक - विभूसियंगा वरसुरभिगंध-वरचुण्णवास-वरकुसुममरिय-सिरया कप्पिय-छेयायरियसुकय-रइतमाल- कडगंगय-तुडिय-पवरभूसण-पिणद्धदेहा एकावलिकठसुरइयच्छा पालंबलंबमाणसुकयपत्तरिज्जमुद्दियापिंगलंगुलिया उज्जल - नेवत्य-रइय-चिल्लग-विरायमाणा तेइ दिवाकरोव्य दिता सारय- नवथणिय-महुर-गंभीर - निद्धघोसा उप्पण्णसमत्तरयणचक्करयणप्पहाणा नवनिहिवइणो समिद्धकोसा चाउरंता चाउरोहिं सेणाहिं समणुजाइश्रमाणमग्गा तुरगवती गयवती रहवती नरवती विपुलकुलविस्सुयजसा सारयससिसकल-सोमवयणा सूरा तेलोक्क-निगाय पभावलद्धसद्दा समत्तभरहाहिया नरिंदा ससेलवण- काणणं च हिमवंत सागरंतं धीरा मुत्तूर्णं भरहवासं जियसत्तू पवररायसीहा पुव्यकडतवप्पभावा निविङ- संचियसुहा अणेगवाससयमायुषंतो मज्जाहि य जणवयम्पामाहिं लात्तियंता अतुल सद्द-फरिस-रस-रूदं गंधे य अनुभवित्ता तेवि उवणमंत मरणधम्पं अवितित्ता कामाणं भुज्जो बलदेव वासुदेवा य पवरपुरिसा महाबलपरकम्मा महाधणुवियड्ढका महासत्तसागरा दुद्दरा धणुद्धरा नरवसभा रामकेसवा भायरो सपरिसा वसुदेव-समुद्दविजयमादियदसाराणं पज्जुण्ण-पयिव-संब- अनिरुद्वा-निसह- उम्मुय-सारणगय-सुमुह- दुम्मुहादीण जाययाणं अद्धट्टणावि कुमारकोडीणं हिययदयिया देवीए रोहिणीए देवीए देवकीए य आणंदहिययभावनंदणकरा सोलस रायवरसहस्साणुजातमग्गा सोलसदेवीसहस्सचरणयण- हिययदयिया नाणामणि - कणगरयण-मोत्तिय-पवाल- धण-धनसंचय-रिद्धि-समिद्धकोसा हय-गय-रह- सहस्तसामी गामागर-नगर- खेड - कब्बड - मडंब - दोणमुह-पट्टणासम-संबाह सहस्सथिमियनिव्युयपमुदितजण - विविहसस्सनिप्फज्जमाणमेइणि सर- सियतलागसेल-काणण
-
Acharya Shri Kailassagarsuri Gyanmandir
For Private And Personal Use Only
१५
| SR No. | 009736 |
| Book Title | Agam 10 Panhavagaranam Angsutt 10 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 42 |
| Language | Prakrit |
| Classification | Book_Devnagari, Agam, Canon, Agam 10, & agam_prashnavyakaran |
| File Size | 1 MB |