Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
सुपक्खंयो-१, अनमरणंवयरामय-कु-संद-निस्संधि-दारविरहिय-निमद्दव-भूमितल-खरामस्स-विसम-निरयघर-चारएसु पहोसिण-सयावतत्त-दुग्गंध-विस्स-उदयणगेसु बीपच्छ-दरिसणिज्जेसु निचं हिमपडलसीयलेसु कालोभासेतु य भीम-गंभीर-लोमहरिप्तणेसु निरभिरामेसु निप्पडियार-बाहि-रोग-जरा-पीलिएसु अतीवनिचंधकार-तिमिसेसु पतिभएसु ववगय-गह-चंद-सूर-नक्खत्त-जोइसेसु भेयवसामंसपडलपुच्चड-पूयरूहिरूविकण्ण-विलीण-चिक्कण-रसियावावण्ण-कुहियचिक्खल्लकद्दमेसु कुकूलानलपलित-जाल-मुम्मुर-असिक्खुरकरवत्तधार-सुनिसितविच्छुयडंकनिवातोवम्म-फरिस-अतिदुस्सहेसु अत्ताणसरण-कडुयदुक्खपरितावणेसु अनुबद्ध-निरंतरयेयणेसु जमपुरिससंकुलेसु तत्थ य अंतोमुत्तलद्धि भवपच्चएणं निव्यतेंति य ते सरीरं हुई बीभच्छदरिसणिजं बीहणगं अट्ठिण्हारु-नहरोपवजिवं असुमगंध-दुखविसहं ततो यपजत्तिमुवगया इंदिएहिं पंचहिं वेदेति असुभाए वेयणाए उजल-चल-विउल-उक्कड-खर-फरुस पवंड-घोर-बीहणग-दारुणाए किं ते कंदुमहाकुंभियपयणपउलण-तवगतलणभट्ठभत्रणाणि य लोहकडाहकढणाणि य कोट्ट-बलिकरण-कोणाणि य सापलितिक्खाग-लोहकंटक-अभिसरणापसरणाणि फालण-विदालणाणि य अवकोडकबंधणाणि य लद्विसयतालणाणि य गलगबललंबणाणि य सलग्गभेयणाण य आएसपवंचणाणि खिसणविमाणणाणि य विघुट्ठपणिज्जणाणि वज्झसयमातिकाणि य एवं ते पुष्वकम्मकयसंचयोवतत्ता निायग्गि-महग्गिसंपलिता गाढदुक्खं महमयं ककसं असायं सारीरं माणसं च तिव्वं दुविहं वेदेति वेयणं पावकम्मकारी बहूणि पलिओवय-सागरोवमाणि कलुणं पालेति ते अहाउं जमकाइय तासिता य सदं करेंति भीया किं ते अविभाव-सामि-भाय-यप्प-ताय जियवं मय में मरामि दब्बलो वाहिपीलिओहं किं दाणिऽसि एवंदारुणे जिद्दओ य मा देहि मे पहारे उस्सासेतं मुहत्तयं मे देहिं पसायं करेहि मा रूस पीसमामि गेविज मंच मे मरामि गाढंतण्हाइओअहं देहि पाणीयं ताहंत पिय इमंजलं विमलं सीयलं ति धेत्तूण य नरयपाला तवियं तउयं से देति कलसेणं अंजलीसु दळूण य तं पवेवियंगरंगा अंसुपगलंतपप्पुयच्छा छिपणा तण्हा इयह कलुणाणि जंपमाणा विपेक्खंता दिसोदिसं अत्ताणा असरणा अणाहा अबंधवा बंधुविप्पहूणा विपलायंति य मिगा व वेगेण भयुबिग्गा धेत्तृण बाला पलायमाणाणं निरणुकंपा मुहं विहाहेत्तु लोहडंडेहि कलकलं ण्हं वयणंसि छुभंति केइ जमकाइया हसंता तेण य दड्ढा संता रसंतिय भीमाई विस्सराई रुदंति य कलुणगाई पारेवतगाव एवं परयितविलाव-कलुणो कंदिय-बहुरुन्न-रुदियसद्दो परिदेविय-रुद्ध-बद्धकारव-संकुलो नीसट्ठो रसियभणिय-कुविय-उक्कूइय-निरयपालतज्जियगेण्ह कम पहर छिंद मिंद उप्पाडेहि उक्खणाहि कत्ताहि विकताहि य मंज हण विहण विच्छुभोच्छुभ आकड्ढ विकड्ढ कि ण जानासि सराहि पावकम्माई दुक्कयाई-एवं वयणमहप्पगब्भो पडिसुयाप्सह-संकुलो तासओ सया निरवगोयराण महानगर-डज्झमाण-सरिसोनिग्धोप्तेसुन्नए अणिट्ठो तहियं नेरइयाणं जाइजंताणं जायणाहिं किं तेअसिवणदभवणजंतपत्थरसूइतलखारवाक्किलकलें तवेयरणिकलंबवालुयाजलियगुहनिरूपणउसिणोसिणकंडइल्लदुग्गमरहजोयणतत्तलोहपहगमणवाहणाणि इमेहिं विवि-हेहिं आयुहेहिं किं तेमोग्गर मुसुंढेि करकच सत्ति हल गय मुसल चक्क कोंत तोमर सूल लउल मिडिमाल सव्वल पट्टिस चपेट दुहण मुट्ठिय असिखेडग खाग चाव नाराय कणक कप्पणि वासि परसु टंकतिक्ख निप्पल अण्णेहि य एवमादिएहिं असुप्रैहि वेउब्रिएहिं पहरणसतेहिं अनुबद्ध-तिब्बवेरा परोप्परं वेयणं उदीति अभिहणता तत्थ य मोगरपहारचुण्णिय-मुसुंढिसंभग्गमहितदेहा जंतोपीलण-फुरंत
For Private And Personal Use Only
| SR No. | 009736 |
| Book Title | Agam 10 Panhavagaranam Angsutt 10 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 42 |
| Language | Prakrit |
| Classification | Book_Devnagari, Agam, Canon, Agam 10, & agam_prashnavyakaran |
| File Size | 1 MB |