Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
४१
बी सतं - देसो-१ सगोतेणं सद्धिं जेणेव सपणे भगवं महावीरे तेणेव पहारेथ गमणाए तेणं कालेणं तेणं समएणं समणे भगवं महावीरे वियट्टभोई यावि होत्या तए णं समणस्स भगवओ महावीरस्स वियभोइस्स सरीरयं ओरालं सिंगारं कल्लाणं सिवं धनं मंगलं अण्णलंकियविभूसियं लक्खणवंजण-गुणोववेयं सिरीए अतीव-अतीव उवसोभेमाण चिट्ठइ तए णं से खंदए कच्चायणसगोते सपणरस भगवओ महावीरस्स वियभोइस्स सरीरयं ओरालं [सिंगारं कल्लाणं सिवं धन्नं मंगलं अणलंकियविभूसियं लक्खण-बंजण-गुणोववेयं सिरिए अतीव-अतीव उदसोधेमाणं पासइ पासित्ता हतुट्ठचित्तमाणदिए नंदिए पीइमणे परमसोमणस्सिए हरिसवसविसप्पमाणहियए जेणेव समणे भगवं महावीरे तेणेव उवागच्छद उवागच्छिता समणं भगवं महावीरं तिक्खुतो आयाहिण-पयाहिणं करेइ करेत्ता वंदइ नमसइ वंदित्ता नपंसित्ता नचासन्ने नातिदूरे सुस्सूसमाणे नमसमाणे अभिमुहे विएणं पंजलिपडे] पञवासइ खंदयाति समणे भगवं महावीरे खंदयं कच्चायणसगोत्तं एवं वयाप्ती-से नूणं तुमं खंदया सावत्यीए नयरीए पिंगलएणं नियंठेणं वेसालियसावएणं इणमक्खेवं पुच्छिए-मागहा कि सअंते लोए अनंते लोए सअंते जीवे अनंते जीवे सअंता सिद्धी अनंता सिद्धी सअंते सिद्धे अनंते सिद्धे केण वा मरणेणं मरमाणे जीवे वड्ढति वा हायाति या एवं तं चेव जाव जेणेव ममं अंतिए तेणेव हव्यमागए से नूणं खंदया अट्टे समढे हंता अस्थि जे वि य ते खंदया अयमेयारूवे अज्झथिए चिंतिए पत्थिए मणोगए संकप्पे सपुष्पज्जित्था-किं सअंते लोए अनंते लोएतस्स वि य णं अयमढे एवं खलु पए खंदया चउबिहे लोए पत्रत्ते तं जहा-दव्वओ खेत्तओ कालओ भावओ दव्वओ णं एगे लोए सअंते खेत्तओ णं लोए असंखेजाओ जोयणकोडाकोडीओ आयाम-विक्खंभेणं असंखेजाओ जोयण- कोडाकोडीओ परिक्लेवेणं पत्रते अस्थि पुण से अंते कालओणं लोए न कयाई न आसी न कयाइ न भवइ न कयाइ न भविस्सइ - भविंसु य भवति य भविस्सइ य-धुचे नियए सासए अक्खए अव्वए अवट्ठिए निचे नत्यि पुण से अंते भावओ णं लोए अनंता वण्णपजवा अनंता गंधप-जवा अनंता रसपञ्जवा अनंता फासपजवा अनंता संठाणपजवा अनंता गरुलहुयपञ्जवा अनंता अगरुयलहुयपजया नत्यि पुण से अंते सेतं खंदगा दव्दओ लोए सअंते खेत्तओ लोए सस्ते कालओ लोए अनंते भावओ लोए अनंते जे वि य ते खंदया अयमेयारूवे अज्झथिए चिंतिए पत्थिए मणो. गए संकप्पे समुप्पजदित्था - किं सअंते जीवे अनंते जीवे तस्स वि य णं अयमद्दे-एवं खलु पए खंदया चउबिहे जीवे पत्रत्ते तं जहा-दब्बओ खेत्तओ कालओ भाचओ दव्यओ णं एगे जीवे सअंते खेत्तओ णं जीवे असंखेजपएसिए असंखेजपएसोगाढे अस्थि पुणं अंते कालओ णं जीवे न कयाइ न आसी न कयाइ न भवइन कयाइन भविस्सइ-मविसु य भवति य भविस्तई य-धुवे नियए सासए अक्खए अब्बए अवट्ठिए] नि च्चे नत्थि पुण से अंते भावओ णं जीवे अनंता नामपजवा अनंता दंसणपज्जवा अनंता चारित्तपनवा अनंता गरुयलयपञ्जवा अनंता अगरुयलहपज्जवा नत्थि पुण से अंते सेत्तं खंदगा दवओ जीवे सअंते खेत्तओ जीवे सअंते कालओ जीवे अनंते भावओ जीवे अनंते जे वि य ते खंदया अयमेयारूवे अन्झथिए चिंतिए पथिए मणोगए संकप्पे समुप्पञ्जित्था- किं सअंता सिद्धी अनंता सिद्धी तस्स वि य णं अयमढे एवं खलु पए खंदया चउबिहा सिद्धी पत्रत्ता तं जहा-दव्यओ खेत्तओ कालओ भावओ दब्बओ णं एगा सिद्धी सअंता खेत्तओ णं सिद्धी पणयालीसं जोयणसयसहस्साई आयामविक्खंभेणं एगा
For Private And Personal Use Only
| SR No. | 009731 |
| Book Title | Agam 05 Vivahapannatti Angsutt 05 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 514 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 10 MB |