Page Text
________________
Shri Mahavir Jain Aradhana Kendra
४०
भगवई - २/-/१/११२
पिव करेमाणा सावत्यीए नयरीए मज्झमज्झेणं] निग्गच्छंति तए णं तस्स खंदयस्स कच्चायणसगोत्तस्स बहुजणस्स अंतिए एयमट्टं सोचा निसम्मं इमेयारूवे अज्झत्थिए चिंतिए पत्थिए मणोगए संकष्ये समुप्पज्जित्था एवं खलु समणे भगवं महादीरे कयंगलाए नयरीए बहिया छत्तपलासए चेइए संजमेणं तवसा अप्पाणं मावेमाणे विहरइ तं गच्छामि णं समणं भगवं महावीरं वंदामि नम॑सामि सेयं खलु मे समणं महावीरं वंदित्ता नमसित्ता सक्कारेत्ता सम्माणेता कल्लाणं मंगलं देवयं चेइयं पजुवासिता इमाई च णं एयारूवाई अड्डाई हेऊई पसिणाई कारणाई वागरणाई पुच्छित्ताए ति कट्टु एवं संपेहेइ संपेहेत्ता जेणेव परिव्वायगावसहे तेणे व उपागच्छइ उवागच्छित्ता तिदंडं च कुंडियं च कंचणियं च करोडियं च मिसियं च केसरियं च छण्णालयं च अंकुसयं च पवित्तयं च गणेत्तियं च छत्तयं च वाहाणाओ य पाउयाओ य घाउरत्ताओ य गेव्हड् गेण्हित्ता परिव्वायावसहाओ पडिनिक्खमइ पडिनिक्खमित्ता तिबंड - कुंडिय-कंचणिय-करोडिय - भिसिय- केसरिय-छण्णालय अंकुसय पवित्तय- गणेत्तियहत्थगए छत्तीवाहणसंजुत्ते धाउरत्तवत्थपरिहिए सावत्थीए नयरीए मज्झं-मज्झेणं निग्गच्छइ निग्गच्छित्ता जेणेव कयंगला नगरी जेणेव छत्तपलासए चेइए जेणेव समणे भगवं महावीरे तेणेव पहारेत्य गमणाए गोयमाइ समणे भगवं महावीरे भगवं गोयमं एवं व्यासीदच्छिसि णं गोय मा पुव्यसंगइयं कं भंते खंदयं नाम से काहे या किह वा केवचिरेण वा एवं खलु गोयमा तेणं कालेणं तेणं समएणं सावत्थी नामं नगरी होत्था - वण्णओ तत्थ णं सावत्थीए नयरीए गद्दमालस्स अंतेवासी बंदए नामं कच्चायणसगोत्ते परिव्वायए परिवसइ तं चैव जाव जेणेव ममं अंतिए तेणेव पहारेत्य गमणाए से अदूरागते बहुसंपत्ते अद्धाणपडिवण्णे अंतरा पहे यट्टइ अजेव णं दच्छिसि गोयमा भंतेत्ति भगवं गोयमे समणं महावीरं वंदइ नमसइ वंदित्ता नमसित्ता एवं वदासी पहू णं भंते खंदए कच्चायणसगोते देवाणुप्पियाणं अंतिए मुंडे भवित्ता अगाराओ अणगारियं पव्यइतर हंता पभू जावं च गं समणे भगवं महावीरे भगवओ गोयमस्स एयमट्टं परिकहेइ तावं च णं से खंदए कच्चायणसगोत्ते तं देतं हव्वभागए तए णं भगवं गोयमे खंदयं कच्चायणसगोत्तं अदूरा- गतं जाणित्ता खिप्पामेव अति अद्वेता खिप्पामेव पचुवगच्छइ जेणेव खंदए कञ्चायणस- गोत्ते तेणेव उवागच्छइ उद्यागच्छित्ता खंदयं कच्चायणसगोत्तं एवं वयासी हे खंदया सागयं खंदया सुसागयं खंदया अणुरागयं खंदया सागयमणुरागयं खंदया से नूणं तुमं खंदया सावत्थीए नयरीए पिंगलएणं नियंठेणं वेसालियसावएणं इणमक्खेवं पुच्छिए-मागहा किं सअंते लोगे अनंते लोगे एवं तं चैव जाय जेणेव इहं तेणेव हव्वमागए से नूणं खंदया अड्डे समट्टे हंता अत्थि तए गं से खंदए कच्चायणगोत्ते भगवं गोयमं एवं व्यासी-से केस णं गोयमा तहारूवे नाणी वा तबस्सी वा जेणं तव एस अट्ठे मम ताच रहस्सकडे हव्यमक्खाए जओ णं तुमं जाणसि तए णं से भगवं गोयमे खंदयं कच्चायणसगोतं एवं वयासी एवं खलु खंदया ममं धम्मायरिए धम्मोवदेसए समणे भगवं महावीरे उप्पन्ननाणदंसणधरे अरहा जिणे केवली तीयपचुप्पनमणागयवियाणए सव्वन्नू सव्वदरिसी जेणं मम एस अड्डे तब ताव रहस्सकडे हव्वमक्खाए जओ णं अहं जाणामि खंदया तए णं से खंदए कच्चायणसगोत्ते भगवं गोयमं एवं वयासी- गच्छामो णं गोयमा तब धम्मायरियं धम्मोदेयं समणं भगवं महावीरं वंदामो नमसामो सक्कारेमो सम्माणेमो कल्लाणं मंगलं देवयं चेइयं पजुवासामी अहासुरं देवाणुप्पिया मा पडिबंधं तए णं से भगवं गोयने खंदएणं कच्चायण
www.kobatirth.org Acharya Shri Kailassagarsuri Gyanmandir
-
For Private And Personal Use Only
| SR No. | 009731 |
| Book Title | Agam 05 Vivahapannatti Angsutt 05 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 514 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 10 MB |