Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
३३४
भगवई - १५/-// ६५९
पडवणं सुक्केणं पडिरूवएणं विणएणं पडिरूवयस्स भत्तारस्स भारियताए दलइस्सति साणं तस्स मारिया भविस्सति इट्ठा कंता जाव अनुमया मंडकरंडगसभाणा तेहलेकेला इव सुसंगोविया चेलपेडा इव सुसंपरिग्गहिया रयणकरंडओ विव सुसारक्खिया सुसंगोविया मा णं सीयं मा णं उन्हं जाव परिसहोवसग्गा फुसंतु तए णं सा दारिया अण्णदा कदायि गुव्विणी ससुरकुलाओ कुलघां निजमाणी अंतरा दवग्गिजालाभिहया कालमासे कालं किया दाहिणिल्लेसु अग्गिकुमारेसु देवेसु देवत्ताए उववजिहिति से णं तओहिंतो अनंतरं उदट्टित्ता माणुस्सं विग्गहं लभिहिति लपित्ता केवलं बोहिं बुज्झिहिति बुज्झित्ता मुंडे भवित्ता अगाराओ अणगारियं पव्वइहिति तत्य विपणं विराहियसामण्णे कालमासे कालं किद्या दाहिणिल्लेसु असुरकुमारेसु देवेसु देवत्ताए उववज्जिहिति से णं तओहिंतो अनंतरं उच्चट्टित्ता माणुसं विग्गहं जाव तत्य वि य णं विराहियसामण्णे कालमासे कालं किया दाहिणिल्लेसु नागकुमारेसु देवेषु देवत्ताए उचवज्जिहिति से णं तओहिंतो अनंतरं एवं एएणं अभिलावेणं दाहिणिल्लेसु सुवण्णकुमारेसु एवं विज्जुकुमारेसु एवं अग्निकुमारवज्रं जाव दाहिणिल्लेसु धणियकुमारेसु से णं तओहिंतो अनंतरं उच्चट्टित्ता माणुस्सं विग्गहं लभिहिति लभित्ता केवलं बोहिं बुज्झिहिति बुज्झित्ता मुंडे भवित्ता अगाराओ अणगारियं पव्वइहिति तत्थ वि य णं विराहियसामण्णे जोइसिएस देवेसु उववज्जिहिति से णं तओहिंतो अनंतरं चयं चइता माणुस्सं विहं लमिहिति जाव अविराहियसामण्णे कालमासे कालं किच्चा सोहम्मेकप्पे देवत्ताए उववज्जिहिति से णं तओहिंतो अनंतरं चवं चइता माणुस्सं विग्गहं लभिहिति तत्य वि णं अविराहियसामण्णे कालमासे कालं किच्चा सणकुमारे कप्पे देवत्ताए उववज्जिहिति से णं तओहिंतो एवं जहा सणकुमारे तहा बंभलोए महासुक्के आणए आरणे से णं तओहिंतो अनंतरं जाव अविराहियसाम कालमासे कालं किच्चा सच्चट्टिसिद्धे महाविमाणे देवत्ताए उववज्जिहिति से णं तओहिंतो अनंतरं चयं चइता महाविदेहे वासे जाई इमाई कुलाई भवंति अड्ढाई जाव अपरिभूयाई तहप्पगारेसु कुलेसु पुत्तताए पचायाहिति एवं जहा ओववाइए दढप्पइण्णवत्तव्वया सच्चेववत्तब्वया निरवेस्सा भाणियव्वा जाव केवलवरनाणदंसणे समुप्पजिहिति तए णं से दढप्पइण्णे केवली अप्पणो तीतद्ध आमोहि आभोएत्ता सपणे निग्गंथे सद्दावेहिति सद्दावेत्ता एवं वदिहिइ एवं खलु अहं अजो इओ चिरातीयाए अद्धाए गोसाले नामं मंखलिपुत्ते होत्या- समणपायए जाव छउपत्ये चेव कालगए तम्मूलगं च णं अहं अजो अणादीय अणवदग्गं दीहमद्धं चाउरंतसंसारकंताएं अनुपरियट्टिए तं मा
अजो तुमं केयि भवतु आयरियपडिणीए उवज्झायपडिणीए आयरियउवज्झायाणं अयसकारए अवण्णाकारए अकित्ति - कारए मा णं से वि एवं चैव अणादीयं अणवदग्गं दीहमद्धं चाउरंत सासंरकंतारं अनुपरियट्टिहिति जहा णं अहं तए णं ते समणा निग्गंधा दढप्पइण्णस्स केवलिस्स अंतियं एयम सोचा निसम्मं भीया तत्या तसिया संसारभउव्विग्गा दढप्पइण्णं केवलिं दिहिंति नमसिहिति वंदित्ता नमसिंत्ता तस्स ठाणस्स आलोएहिंति पडिक्कमिहिंति निंदिहिंति जाव अहारियं पायच्छितं तवोकम्मं पडिवज्जिहिंति तए णं से दढप्पइण्णे केवली बहूई वासाई केवलिपरियागं पाउणहिति पाउणिता अप्पणो आउसेसं जाणेत्ता भत्तं पचक्खाहिति एवं जहा ओववाइए जाव सव्वदुक्खाणमंतं काहिति सेवं भंते सेवं भंते त्ति जाब विहरइ १५६११-560
पारसमं सतं समत्तं
For Private And Personal Use Only
| SR No. | 009731 |
| Book Title | Agam 05 Vivahapannatti Angsutt 05 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 514 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 10 MB |