Page Text
________________
Shri Mahavir Jain Aradhana Kendra
www.kobatirth.org
२३६
Acharya Shri Kailassagarsuri Gyanmandir
भगवई - ११ /-/ १० / ५११
दाहिणाभिमुहे पयाते एगे देवे दाहिणपात्याभिमुहे पयाते एगे देवे पञ्चत्याभिमुहे पयाते एगे देवे पञ्चत्थउत्तराभिमुहे पयाते एगे देवे ] उत्तराभिमुहे पयाते एगे देवे उत्तरपुत्याभिमुहे पयाते एगे देवे उड्ढामधिमुहे पयाते एगे देवे अहोभिमुहे पयाते तेणं कालेणं
तेणं समएणं वाससयसहस्साउए दारए पयाते तए णं तस्स दारगस्स अम्मापियरो पहीणा भवंति नो चेव णं ते देवा अलोयंतं संपाउणंति (तए णं तस्स दारगस्स आउए पहीणे भवति नो चेव णं ते देवा अलोयंत संपाउणंति तए णं तस्स दारगस्स अट्ठिर्मिजा पहीणा भवंति नो चेव णं ते देवा अलोयंतं संपाउणंति तए णं तस्स दारगस्स आसत्तमे वि कुलवंसे पहीणे भवति नो चेव णं ते देवा अलोयंतं संपाउणंति] तए णं तस्स दारगस्स नामगोए वि पहीणे भवति नो चेय णं ते देवा अलोयंतं संपाउणंति तेसि णं मंते देवाणं किं गए बहुए अगए बहुए गोयमा नो गए बहुए अगए बहुए गयाओ से अगए अनंतगुणे अगयाओ से गए अनंतभागे अलोए णं गोयमा एमहालए पत्रत्ते । ४२० / - 421
( ५१२ ) लोगस्स णं मंते एगम्मि आगासपदेसे जे एगिंदियपदेसा जाव पंचिंदियपदेसा अणिदियपदेसा अण्णमण्णबद्धा अण्णमष्णपुट्ठा [ अण्णमण्णबद्धपुट्ठा] अण्णमण्णघत्ताए चिट्ठति अत्थि णं भंते अण्णमण्णंस्स किंचि आबाहं वा वावाहं वा उष्पायंति छविच्छेदं वा करेति नो इणट्टे समट्टे से केणणं मंते एवं बुच्चइ-लोगस्स णं एगम्पि आगासपदेसे जे एगिंदिवपदेसा जाव अण्णमण्णघडत्ताए चिट्ठति नत्थि णं मंते अण्णमण्णस्स किंचि आयाहं वा [ यायाहं या उप्पायंति छविच्छेदं] वा करेंते गोयमा से जहानामए नट्टिया सिया-सिंगारागारचारुवेसा जाव कलिया रंगद्वाणंसि जणसयाउलंसि जणसहस्साउलंसि जणसय सहस्साउलंसि बत्तीसइविहस्स नट्टस्स अण्णयरं नट्टविहिं उपदंसेज्जा से नूणं गोयमा ते पोच्छगा तं नट्टियं अणिमिसाए दिट्ठीए सव्वओ समंता समभिलोएंति हंता समभिलोएंति ताओ णं गोयमा दिट्ठीओ तंसे नट्टियंसि असव्यओ समंता सन्निपडि याओ हंता सन्निपडियाओ अस्थि णं गोयमा ताओ दिट्ठीओ तीसे नट्टियाए किंचि वि आयाहं वा वाबाहं वा उप्पायंति छविच्छेदं या करेंति नो इणड्डे समट्ठे सा वा नहिया तासिं दिट्ठीणं किंचि आवाहं वा वाबाहं वा उप्पाएति छविच्छेदं वा करेइ नो इणट्टे समट्टे ताओ वा दिट्ठीओ अण्णमण्णए दिड्ढीए किंचि आबाहं या बाबाहं वा उष्पाएति छविच्छेदं वा करेति नो इणट्टे समठ्ठे से तेणद्वेणं गोयमा एवं वुच्चइ-[लोगस्स गं एगम्मि आगासपदेसे जे एगिंदियपदेसा जाव अण्णमण्ण- घडत्ताए चिट्ठति नवि अण्ममस आबाहं वा बाबाहं व उप्पायंति] छविच्छेदं वा करेति । ४२१1-422
(५१३ ) लोगस्स णं मंते एगम्मि आगासपदेसे जहण्णपए जीवपदेसाणं उक्कोसपए जीवपदेसाणं सव्वजीवाण य कयरे कयरेहिंतो [अप्पा वा बहुया या तुल्ला वा ] विसेसाहिया वा गोयमा सव्वत्थोवा लोगस्स एगम्मि आगासपदेसे जहण्णपए जीवपदेसा सव्वजीवा असंखेजगुणा उक्कोसपए जीवपदेसा विसेसाहिया सेवं भंते सेवं मंते ति ॥४२२ -423
एक्कारसमे सते दसको उद्देसो समतो •
-: एक्का रस मो-उसो :
(५१४) तेणं कालेणं तेणं समएणं वाणियग्गामे नामं नगरे होत्या- वण्णओ दूतिपलासे चेइए-वण्णओ जाय पुढविसिलापट्टओ तत्थ णं वाणियग्गामे नगरे सुदंसणे नाम सेट्ठी परिवस - अड्ढे जाव बहुजणस्स अपरिभूए समणोवासए अभिगयजीवाजीवे जाव अहापरिग्गहिएहिं तवोकम्मेहिं अप्पाणं भावेमाणे विहरइ सामी समोसढे जाव परिस पजुवासइ तए गं से सुदंसणे सेट्टी
For Private And Personal Use Only
| SR No. | 009731 |
| Book Title | Agam 05 Vivahapannatti Angsutt 05 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 514 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 10 MB |