Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
सतं-११, उद्देसो-१०
२३५ लोयखेत्तलोए न कयाइ नासि जाव निन्ने एवं तिरियलोयखेत्तलोए एवं उड्ढलोयखेत्तलोए एवं लोए एवं] अलोए
भावओ णं अहेलोयखेत्तलोए अनंता यण्णपजवा अनंता गंधपज्जवा अनंता रसपञ्जया अनंता फासपज्जया अनंता संठाणपझवा अनंता गरुयलहुयपज्जया अनंता अगरुलहुयपजवा एवं [तिरियलोयखेत्तलोए एवं उड्ढे लोयखेत्तलोओ एवं] लोए भायओणं अलोए नेवस्थि वण्णपजवा नियत्यि गंधपजवा नेवस्थि रसपज्जवा नेवत्यि फासपजवा नेवस्थि संठाणपज्जवा) नेवत्येि गरुयलहुयपजवा एगे अजीवदव्यदेसे [अगरुयलहुए अनंतेहिं अगरुयलहुयगुणेहिं संजुत्ते सब्वागासस्स अनंतभागूणे
(५११) लोए णं मंते केमहालए पन्नत्ते गोयमा अवण्णं जंबुद्दीवे दीवे सव्वदीय-सिमुदाणं सव्वअंतराए जाव एगं जोयणसयसहस्स आयाम-विस्खंभेणं तिण्णि जोयणसयहस्साई सोलससहस्साई दोण्णि य सत्तावीसे जोयणसए तिणि य कोसे अट्ठावीसं च धणुसयं तेरस अंगुलाई अगलगं च किंचिविसेसाहिए। परिक्रोवेणं तेणं कालेणं तेणं समएणंछ देवा पहिड्ढीया जाव महासोक्खा जंबुद्दीचे दीवे मंदरे पव्वए मंदरचलियं सव्वओ समंता संपरिक्खित्ताण चिद्वेशा अहे णं चत्तारि दिसाकुमारीओ महत्तरियाओ चत्तारि बलिपिंडे गहाय जंबुद्दीवस्स दीवस्स चउसु विदिसासु बहियाभिमुहीओ ठिच्चा ते चत्तारि अलिपिंडे जमगसमगं बहियाभिमुहे पक्खिवेना पभू गं गोयमा तओ एगमेगे देवे ते चत्तारि बलिपिंडे धरणितलमसंपत्ते खिप्पामेव पडिसाहरितए तेणं गोयमा देवा तए उक्किट्ठाए जाय देवगईए एगे देवे पुरत्याभिमुहे पयाते एगे देवे दाहिणाभिमुहे पयाते एगे देवे पन्नत्याभिमुहे पयाते एगे देवे उत्तराभिमुहे पयाते एगे देवे उड्ढाभिमुहे पयाते एगे देवे अहोभिमुहे पयाते तेणं कालेणं तेणं समएणं वाससहस्साउए दारए पयाते तए णं तस्स दारगसस अम्पापरपियरो पहीणा भवंति नो वेव णं ते देवा लोगंतं संपाउणंति तए णं तस्स दारगस्स आउए पहीणे भवति नोचेवणं ते देवा लोगंतं संपाउणेति तए णं तस्स दारगस्स अद्धिमिजा पहीणा भवंति नो चेवणं ते देवा लोगंतं] संपाउणंतिं तए णं तस्स दारगस्स आसत्तमे वि कुलवंसे पहीणे भवति नो चेवणं ते देवा लोगंतं संपाउणंति तएणं तस्स दारगस नामगोए विपहीणे भवति नो चेवणं ते देवा लोगं संपाउणंति तेसि णं मंते देवाणं किं गएबहुए अगएबहुए गोयमा गएबहुए नो अगएवाहुए गयाओ से अगए असंस्खेजइभागे अगयाओ से गए असंखेनगुणे लोए णं गोयमा एमहालए पन्नते
अलोए णं भंते केमहालए पनत्ते गोयमा अयण्णं समयखेते पणयालीसं जोयणसयसहस्साई आयाम-विक्खभेणं एगा जोयणकोडी बायालीसं च सयसहस्साई तीसं च सहस्साई दोण्णि य अउणापन्नजोयणसए किंचि विसेसाहिए परिक्खवेणं तेणं कालेणं तेणं समएणं दस देवा महिड्ढिया जाव महासोक्खा जंबुद्दीवे दीवे मंदरे पव्वए मंदरचूलियं सव्यओ समता संपरिक्खिताणं संचिडेजा अहे णं अट्ठ दिसाकुमारीओ महत्तरियाओ अट्ट बलिपिंडे गहाय माणुसुत्तरस्स पव्वयस्स चउसु वि दिसासु चउसु वि विदिसासु बहियाभिमुहीओ ठिच्चा ते अट्ट बलिपिंडे जमगसमगं बहियाभिमुहे पक्खिवेजा पभू गं गोयमा तओ एगमेगे देवे ते अट्ठ बलिपिंडे धरणितलमसंपत्ते खिप्पामेव पडिसाहरित्तए तेणं गोयमा देवा ताए उक्किट्ठाए [तुरियाए चवताए चंडाए जइणाए छेयाए सीहाए सिग्धाए उद्धयाए दिव्याए देवगईए लोगते ठिच्चा असब्यावपट्टवणाए एगे देवे पुरत्याभिमुहे पयाते एगे देवे दाहिणपुरत्याभिमुहे पयाते [एगे देवे
For Private And Personal Use Only
| SR No. | 009731 |
| Book Title | Agam 05 Vivahapannatti Angsutt 05 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 514 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 10 MB |