Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
२०८
भगवई . ९/१३३/४१५ महया वरतुडिय-जमगसमगप्पवाइएणं संख-पणव-पडह-प्रेरि-झल्लरि-खरमुहि-हुडुक्क मुरयमुइंग-दुंदुहि-निग्धोसणाइय] रवेणं महया महया निक्खमणामि सेगेणं अभिसिंचंति अभिसिंचित्ता करयल जाव जएणं विजएणं बद्धावेति यद्धायेत्ता एवं ययासी-भण जाया किं देमो किं पयच्छामो किणा व ते अट्ठो तएणं से जमाली खत्तियकुमारे अम्मापियरो एवं वयासी-इच्छामिणं अम्मताओ कुत्तियावणाओ रयहरणं च पडिग्गहं च आणियं कासवगं च सहावियं तए णं से जमालिस्स खत्तियकुमारस्स पिता कोडुंबियपुरिसे सद्दावेइ सद्दावेत्ता एवं वयासी-खिप्पामेव भो देवाणुप्पिया सिरिधराओ तिणि सयसहस्साइंगहाय दोहिं सयसहस्सेहिं कुसियावणाओ रयहरणं व पडिग्गहं च आणेह सयसहस्सेणं कासवगं सदावह
तए णं तं कोडुंबियपुरिसा जमालिस्स खत्तियकुमारस्स पिउणा एवं युत्ता समाणा हट्टतुट्ठा करयल परिग्गहियं दसनहं सिरसावत्तं मत्थए अंजलि कट्ट एवं सामी तहत्ताणाए विणएणं वयणं पडिसुणेतिं पडिसुणेता खिप्यामेव सिरिघराओ तिण्णि सयसहस्साईजाव कासवगं सद्दावेति तएणं से कासवए जमालिस्स खत्तियकुमारस्त पिउणा कोडुबियपुरिसेहिं सद्दाविए समाणे हट्टतुट्टे ण्हाए कयबलिकम्मे [कय-कोउय-मंगल-पायच्छिते सुद्धप्पा येसाईमंगलाई वत्याईपवर परिहिए अप्पमहग्घाभरणालंकिय] सरीरे जेणेव जमालिस्स खत्तियकुमारस्स पिया तेणेव उवागच्छइ उगावगच्छित्ता करयल[परिग्गहियं दसनहं सिरसावत्तं मत्थए अंजलिं कटु] जमालिस्स खत्तियकुमारस्स पियरंजएणं विजएणं बद्धावेइ वद्धावेत्ता एवं वयासी-संदिसंतुणं देवाणुप्पिया जंमए करणिलं तए णं से जमालिस्स खत्तियकुमारस्स पिया तं कासवगं एवं वयासी-तुमं देवाणुप्पिया जमालिस्स खत्तियकुमारस्स परेणं जत्तेणं चउरंगुलवले निक्खमणपाओग्गे अग्गेकेसे कप्पेहि तए णं से कासवगे जमालिस्स खत्तियकुमारस्स पउणा एवं वुत्ते समाणे हद्वतुढे करयल [परिग्गहियं दसनहं सिरसावत्तं पत्त्यए अंजलि कट्] एवं सामी तहताणाए विणएणं वयणं पडिसुणेइ पडिसुणेत्ता सुरभिणा गंधोदएणं हत्यपादे पक्खालेइ पक्खालेत्ता सुद्धाए अपडलाए पोत्तीए मुहं बंधइबंधिता जमालिस्स खत्तियकुमारस्स परेणंजत्तेणं चउरंगुलवले निक्खमणपाओग्गे अग्गकेसे कप्पेइ
तए णं सा जमालिस्स खत्तियकुमारस्स माया हंसलक्खणेणं पडसाडएणं अग्गकेसे पडिच्छइ पडिच्छित्ता सुरभिणा गंधोदएणं पक्खालेइ पखालेता अग्गेहिं बरेहिं गंधेहिं मल्लेहिं अनेति अचेता सुद्धे वत्ये बंधइ बंधित्ता रयणकांडगंसि पविखवति पक्खिवित्ता हार-वारिधारसिंदुवार-छिण्णमुत्तावलिप्पगासाई सुयवियोगदूसहाई अंसूई विणिम्मुयमाणी-विणिम्मुयमाणी एवं वयासीएस णं अम्हं जमालिस्स खत्तियकुमारस्स बहूसु तिहीसुय पव्वणीसु य उस्सवेसुय जण्णेसु य छणेसु य अपच्छिमे दरिसणे भविस्सतीति कट्ट ऊसीसगमूले ठवेति तए णं तस्स जमालिस्स खतियकुमारस्स अमापियरो दोच्चं पि उत्तरावक्कमणं सीहासणं रयाति रयावेता जमालिस्स खत्तियकुमारस्स सेयापीयाएहिं कलसेहिं पहावेति ण्हावेत्ता पम्हलसुकुमालाए सुरभीए गंधकासाईए गायाइं लूहेति लूहेत्ता सरसेणं गोसीसचंदणेणं गायाइं अणुलिपति अनुलिंपित्ता नासानिस्सासवायवोझं चक्खुहरं वण्ण-फरिसजुत्तं हयलालपेलवातिरेगं धवलं कणगखचितंतकम्म महरिहं हंसलक्खणपड-साडगंपरिहिंति परिहित्ता हारं पिणद्धेति पिणवेत्ता अदअधहारं पिणद्धेति पिणहेत्ता एगावलि पिणद्वेतिं पिणद्धेत्ता मुत्तावलि पिणद्धेति पिणद्धता रयणावलि पिणखेति पिणवेत्ता एवं अंगयाई केयूराई कडगाइं तुडियाई कडिसुत्तगं दसमुदाणंतगं विकच्छसुत्तगं मुरविं
For Private And Personal Use Only
| SR No. | 009731 |
| Book Title | Agam 05 Vivahapannatti Angsutt 05 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 514 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 10 MB |