Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
२०७
नवर्ष सतं - उदेसो-३३ निस्सए गंगा वा महानदी पडिसोयंगमणयाए महासमुद्दो वा भुयाहिं दुत्तरो तिक्खं कमियव्यं गरुयं लंबेयव्यं असिधारगं वयं चरियव्वं नो खलु कप्पइ जाया समणाणं निग्गंथाणं अहाकम्मिए इवा उद्देसिए इवा मिस्सजाए इ वा अजोयरए इ वा पूइए इवा कीते इवा पामिन्छे इवा अच्छे इया अणिसटे इ या अभिहडेइवा कतारभते इ वा दुभिक्खभत्तेइवा गिलाणभत्तेइ वा वदलियाभत्ते इ वापाहुणगभत्तेइ वा सेज्जायरपिंडे इ वा रायपिंडे इ वा मूलभोयणे इवा कंदभोयणे इवा फलभोयणे इवा बीयभोयणे इ वा हरियभोयणे इ वा पोत्तए वा पायए वा तुमंसि च णं जाया सुहसमुचिए नो चेवणं दुहसमुचिए नालं सीयं नालं उण्हं नातं खुहा नालं पिवासा नालं चोरा नालं वाला नालं दंसा नालं मसगा नालं वाइय-पित्तिय-सेमिय-सनिवाइए विविहे रोगायके परिस्सहोवसग्गे उदिपणे अहियासेत्तए तं नो खलु जाया अम्हे इच्छामो तुसंखणमवि विष्पयोगं तं अच्छाहि ताव जाया ताव अम्हे जीवामोतओ पच्छा अपहेहिं
कालगएहिं समाणेहिं परिणयवए वड्डियकुलवंसतंतुकजम्मि निरवयक्खे समणस्स भगवओ महावीरस्स अंतिय मुंडे भवित्ता अगाराओ अणगारियं पव्वइहिसि ।
तए णं से जमालि खत्तियकुमारे अम्पापियरो एवं वयासी-तहा विणं तं अम्मताओ जणं तु ममं एवं वदह-एवं खलु जाया निगंथे पावयणे सच्चे अनुत्तरे केवतेतंचेवजाव पव्वइहिसि एवं खलु अम्मताओ निग्गंथे पावयणे सच्चे अनुतरे केवले तं चेव जाव पव्वइहिसी एवं खलु अप्पताओ निग्गंधे पावयणे कीवाणं कायराणं कापुरिसाणं इहलोगपडिबद्धाणं परलोगपरंमुहाणं विसयतिसियाणं दुरगुणचरे पागयजणस्स धीरस्स निच्छियस्स ववसियस्स नो खलु एत्यं किंचि विदुक्कर करणयाए तं इच्छामि णं अस्पताओ तुब्बेहिं अमणुण्णाए समाणे समणस्स भगवओ महावीरस्स अंतियं मुंडे भवित्ता अगाराओ अणगारियं पब्वइत्तए तए णं तं जमालिं खत्तियकुमारं अम्मापियरो जाहेनोसंचाएंति विसयाणुलोमाहिंयविसयपडिकूलाहिय यबहूहिंआघषणाहिय यपण्णवणाहिय सण्णवणाहि य विष्णवणाहि य आयवेत्तए या पण्णवेतए वा सण्णवेत्तए वा विष्णवेत्तए वा ताहे अकामाईचेवजमालिस्सखत्तियमकुमारस्स निक्खमाणंअणुमच्छित्था।३८३/384
(६५) तए णं तस्स जमालिस्स खत्तियकुमारस्स पिया कोडुबियपुरिसे सद्दावेइ सद्दावेत्ता एवं वयासी-खिप्पामेव भो देवाणुप्पिया खत्तियकुंडग्गामं नयरं सब्मितरबाहिरियं आसियसम्मलिओवलितं जहा ओववाइए जाव सुगंधवरगंधगंधियं गंधवट्टिभूयं करेह य कारवेह य करेत्ता य कारवेत्ता य एयमाणत्तियं पच्चप्पिण्ह ते वि तहेव पञ्चप्पिणंति तए णं से जमालिस्स खत्तियकुमारस्स पिया दोच्चं पि कोडुबियपुरिसे सद्दावेइ सद्दावेत्ता एवं ययासी-खिप्पामेव भो देवाणुप्पिया जमालिस खत्तियकुमारस्स महत्यं महाधं महरिहं विपुलं निक्खमणाभिसेयं उवटेवह तए णं ते कोडुंबियपुरिसा तहेव जाव उवहवेति तए णं तं जमालि खत्तियकुमारं अम्मापियरो सीहासणवरंसि पुरत्याभिमुहं निसीयावेति निसीयावेत्ता अट्ठसएणं सोवणियाणं कलसाणं
अट्ठसएणं रूप्पमयाणं कलसाणं अट्ठसएणं मणिमयाणं कलसाणं अदुसएणं सुवण्णरुप्पामयाणं कलसाणं अट्ठसएणं सुवण्णमणिमयाणं कलसाणं अट्ठसएणं रूप्पमणिमयाणं कलसाणं अट्ठसएणं सुवण्णरूपमणिमयाणं कलसाणं] अट्ठसएणं मोमेजाणं कलसाणं सब्बिड्डीए (सव्यजुतीए सव्वबलेणंसव्वसमुदएणं सव्वादरेणं सव्वविभूईए सव्वविभूसाए सब्वसंममेणं सव्वपुप्फगंधमल्लालंकारेणं सन्युतियसह-सणिणाएणं महया इड्ढीए महया जुईए महया बलेणं महया समुदएणं
For Private And Personal Use Only
| SR No. | 009731 |
| Book Title | Agam 05 Vivahapannatti Angsutt 05 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 514 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 10 MB |