Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
पंचमं सतं - देसो-७
१०३ फुसाविओ एवंफुसावेयव्यो जाव अनंतपएसिओ दुप्पएसिए णं भंते खंधे परमाणुपोग्गलं फुसमाणे किं देसेणं देसं फुसइ पुच्छा ततिय-नवमेहिं फुसइ दुप्पएसिओ दुप्पएसियं फुसमाणे पढम-ततियसत्तम नवमेहिं फुसइ दुप्पएसिओ तिप्पएसियं फुसमाणे आदिल्लएहिं य पुच्छिल्लएहिं जाय अनंतपएसियं तिपएसिए णं भंते खंदे परमाणुपोग्गलं फुसमाणे पुच्छा ततिय-छट्ठ-नवमेहिं फुसइ तिपएसिओ दुपएसियं फुसमाणे पढमएणं ततिएणं चउत्य-छट्ठ-सत्तम-नवमेहि फुसइ तिपएसिओ तिप-एसियं फुसमाणे सव्येसु वि ठाणेसु फुसइ जहा तिपएसिओ तिपएसियं फुसाविओ एवं तिप्पएसिओ जाव अनंतपएसिएणं संजोएयव्यो जहा तिपएसिओ एवं जाव अनंतपएसिओ माणियवो।२१५1-215
(२५७) परमाणुपोग्गले णं भंते कालओ केवच्चिर होइ गोयमा जहण्णेणं एगं समयं उक्कोसेणं असंखेनं कालं एवं जाव अनंतपएसिओएगपएसोगाढे णं भंते पोग्गले सेए तम्मि वा ठाणे वा अण्णम्मि वा ठाणे कालओ केवच्चिरं होइ गोयमा जहण्णेणं एगं समयं उककोसेणं आवलियाए असंखेनइभागं एवं जाव असंखेजपएसोगाढे एगपएसोगाढे णं भंते पोग्गले निरेए कालओ केवच्चिरं होइ गोयमा जहन्नेणं एगं समयं उक्कोसेणं असंखेनं कालं एवंजाव असंखेजपएसोगाढे एगगुणकालए णं भंते पोग्गले कालओ केवच्चिरं होइ गोयमा जहन्नेणं एगं समयं उक्कोसेणं असंखेनं कालं एवं जाव अनंतगुणकालए एवं वण्ण-गंध-रस-फास जाव अनंतगुणलुक्खे एवं सुहुमपरिणए पोग्गले एवं वादरपरिगए पोग्गले सद्दपरिणए णं भंते पोग्गले कालओ केवच्चिर होइ गोयमा जहन्नेणं एगं समयं उक्कोसेणं आवलियाए असंखेज्जइभागं असद्दपरिणए णं भंते पोग्गले कालओ केवच्चिरं होइ गोयमा जहन्नेणं एगं समयं उक्कोसेणं असंखेज्नं कालं परमाणुपोग्गलस्सणं भंते अंतरं कालओ केवच्चिर होइ गोयमा जहण्णेणं एगं समय उकुकोसेणं असंखेनं कालं दुप्पएसियस्सणं भंते खंधस्स अंतरंकालओ केवचिरं होइ गोयमाजहण्णेणं एगं समयं उक्कोसेणं अनंतं कालं एवं जाव अनंतपएसिओ एगपएसोगाढस्स णं भंते पोग्गलस्स सेयस्स अंतरं कालओ केवचिरं होइ गोयमा जहन्नेणं एगं समयं उक्कोसेणं असंखेनं कालं एवं जावं असंखेज्ज पएसोगाढे एगपएसोगाढस्स णं भंते पोग्गलस्स निरेयस्स अंतरं कालओ केवच्चिर होइ गोयपा जहन्नेणं एगं समरं उक्कोसेणं आवलियाए असंखेजइभागं एवं जाव असंखेजपएसोगाढे वण्णगंध-रस-फाससुहमपरिणव-बायरपरिणयाणं-एतेसिंजं वेव संचिट्ठाणा तं चेव अंतरं पि माणियब्वं सद्दपरिणयस्स णं भंते पोग्गलस्स अंतरं कालओ केवचिरं होइ गोयमा जहण्णेणं एगं समयं उक्कोसेणं असंखेज्नं कालं असद्दपरिणयस्स णं भंते पोग्गलस्स अंतरं कालो केवच्चिर होइ गोयमा जहन्नेणं एगं समयं उक्कोसेणं आवलियाए असंखेजइभागं ।२१६/-216
(२५८) एयस्स णं भंते दव्वट्ठाणाउयस्स खेतटाणाउयस्स ओगाहणट्ठागाउयस्स भावट्ठाणाउयस्स कयरे कयरेहिंतो अप्पा वा बहुया वा तल्ला वा विसेसाहिया वा गोयमा सव्वत्थोवे खेत्तट्ठाणाउए ओगाहणट्ठाणाउए असंखेज्जगुणे देव्बट्टाणाउए असंखेज्जगुणे भावट्ठाणाउए असंखेजगुणे ।२१७१-217 (२५९) खेतोगाहणदब्ये, मावठाणाउयं च अप्प-बहुं खेते सब्बत्योवेसेसा ठाणा असंखेनगुणा
॥३५||-36 (२६०) नेरइया णं भंते किं सारंभा सपरिग्गहा उदाहु अणारंभा अपरिग्गहा गोयमा नेरइया
For Private And Personal Use Only
| SR No. | 009731 |
| Book Title | Agam 05 Vivahapannatti Angsutt 05 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 514 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 10 MB |