Page Text
________________
श्री ज्यान समुच्चय सार जी अपायं परमं न्यानं, अप्पानं परम सुद्ध सभावं । विरयं मूढ सुभावं, सुद्धं ससरूव निम्मलं सुद्धं ॥ ८७३ ॥ विचयं विमल सहावं, विमल न्यानेन केवलं निस्चै ।। केवल दंसन सुद्धं, अप्पा परमप्प जंति निव्वानं ॥ ८७४ ।। धम्म रयन संजुत्तं, धम्मं धरयंति मनस्य सहकारं । न्यानं न्यान सहावं, परमप्पा परम झानेहि संजुत्तं ॥ ८७५ ॥ आन्या समय जिनुत्तं, जिन दिटुं परम केवलं न्यानं । न्यान दिस्टि उवएस, निस्चय रूवेन विमल न्यान सद्दहनं ॥ ८७६ ॥ जिन उत्तं अप्पानं, मिच्छा भावं च तिक्त कुन्यानं । उत्तं चेयन भावं, विन्यान अप्प सुद्ध सद्दहनं ॥ ८७७ ॥
आन्या सुद्ध सरूवं, सुद्धं देवं च सुद्ध गुरु धर्म । मिच्छा अनित तिक्तं, आन्या सम्मत्त निम्मलं भावं ॥ ८७८ ॥ वेदक वेद संजुत्तं, वेद वेदांग विंदतो नित्यं । अप्पा पर बुज्झंतो, परचवैवि अप्प सुद्ध सभावं ॥ ८७९ ।। पद विजन विंदंतो, असरन संसार सयल दोस विवरीदो । अप्पा अप्पम्मि रओ, अप्पा परमप्प निव्वुए जंति ॥ ८८० ।। उवसम उवसंत कषायं, उवसम राग दोष विषय भावं च । मिच्छा कुन्यान तिक्तं, उवसमनं सुह असुहस्य परिनामं ॥ ८८१ ॥ षिउ उवसम संजुत्तं, षिपनिक रूवेन अप्प सभावं । अप्पा सुद्धप्पानं, परमप्पा सुद्ध निम्मलं चित्तं ॥ ८८२ ।। प्याइक षिपनिक रूवं, षिपियो संसार सरनि मोहंधं । राग दोस मिच्छातं, कम्म मल पयडि सयल षिपिऊनं ॥ ८८३ ।।
श्री तारण तरण अध्यात्मवाणी जी षिउ उवसम सुद्ध सहावं, अप्पा अप्पेन अप्पनो निस्चं । गय संकप्प वियप्पं, प्याइक संमत्त सुद्ध धुव निस्चं ॥ ८८४ ॥ सुद्धं सुद्ध सहावं, सुद्ध सरूवं च निम्मलं भावं । अप्पा परमप्पानं, परमप्पा लहै निव्वानं ॥ ८८५ ।। दरसन सुद्ध सहावं, दर्स तिलोय न्यान सहकारं । न्यानेन न्यान सुद्धं, दरसन चरनस्य निम्मलं विमलं ॥ ८८६ ॥ दर्सन अनंत रूवं, अनंत दर्सन विमल सुद्ध दरसेई । मिच्छात कम्म विलयं, दर्सन चरनस्य जंति निव्वानं ॥ ८८७ ।। न्यानचरन संसुद्धं, न्यानं आचरन केवलं ममलं । विषयं च राग विरयं, अप्पा परमप्प न्यान आचरनं ॥ ८८८ ।। न्यानं न्यान सरूवं, कुन्यानं तिजंति मिच्छ सभावं । अप्प सरूव सहावं, परमप्पा सुद्ध न्यान आचरनं ॥ ८८९ ।। वीर्ज वीज सुद्ध, वीर्ज अंकुरनं च न्यान सहकारं । चरनं अप्प सरूवं, चरनं वीर्ज च सुद्धमप्पानं ॥ ८९० ।। अप्पानंमप्पानं, अप्पा सुद्ध झान न्यान निरू पिच्छं । परम पय सुद्ध सरूवं, वीर्ज आचरन निव्वुए जंति ॥ ८९१ ॥ तव आचरन सहावं, अप्प सहावेन सुद्ध तवयरनं । सुद्धं सुद्ध सरूवं, तव आचरनं निम्मलं भावं ॥ ८९२ ॥ कम्म मल मुक्क रागं, मिथ्या विषयं च तिक्त कषायं । अप्पा अप्प सरूवं, सहकारेन चरन तवयरनं ॥ ८९३ ।। चरनंपि सुद्ध भावं, चरनं अप्पान निम्मलं रूवं । थिर दिठि दंसन ममलं, चारित्र चरन सुद्ध संजमं रूवं ॥ ८९४ ।।
(९३)
| SR No. | 009713 |
| Book Title | Adhyatma Vani |
| Original Sutra Author | N/A |
| Author | Taran Taran Jain Tirthkshetra Nisai |
| Publisher | Taran Taran Jain Tirthkshetra Nisai |
| Publication Year | |
| Total Pages | 469 |
| Language | Hindi |
| Classification | Book_Devnagari |
| File Size | 3 MB |