Page Text
________________
श्री ज्यान समुच्चय सार जी उवसंतोय कषायं, दर्सन मोहंध उवसमं सुद्धं । संसार सरनि तिक्त, उवसंतो पुनः सव्वहा सव्वे ।। ६९७ ॥ सुद्धो सद्धोदेसो, सुद्धो परमप्प लीन संजुत्तो । षिउ उवसम संसुद्धो, न्यान सहावेन चरन्ति तवयरनं ॥ ६९८ ।। षीन कषायं उत्तं, पीनं घाय कम्म मल मुक्कं । षीयंति षीन मोहो, न्यान सहावेन संजुत्त तवयरनं ।। ६९९ ।। मनपर्जय उववन्नं, धम्मं सुक्कं च निम्मलं रूवं । रूवातीत सहावं, न्यान सहावेन अप्प परमप्पं ॥ ७०० ॥ सजोगे केवलिनो, आहार निहार विवज्जिओ सुद्धो । केवल न्यान उवन्नो, अरहंतो केवली सुद्धो ॥ ७०१ ।। अजोगे केवलिनो, परमप्पा निम्मलो सुद्ध ससहावं । आनंदं परमानंद, नंत चतुस्टय मुक्ति संपत्तो ॥ ७०२ ॥ सिद्धं सिद्ध सरूवं, सिद्धं सिद्धि सौष्य संपत्तं । नंदो परमानंदो, सिद्धो सुद्धो मुनेयव्वा ॥ ७०३ ॥ ए चौदस गुनठानं, रूवं भेयं च किंचि उवएसं । न्यान सहावे निपुनो, कमेनय विमल सिद्ध नायव्वो ॥ ७०४ ॥ उर्वकारं च ऊर्धं, ऊर्ध सहावेन परमिस्टि संजुत्तो । अप्पा परमप्पानं, विंद स्थिरं जान परमप्पा ॥ ७०५ ।। न्यानं सुद्ध सहावं, न्यान मयं परमप्प संसुद्धं । न्यानं न्यान सरूवं, अप्पा परमप्प सुद्धमप्पानं ॥ ७०६ ॥ ममात्मा ममलं सुद्धं, सुद्ध सहावेन तिअर्थ संजुत्तं । संसार सरनि विगतं, अप्पा परमप्प निम्मलं सुद्धं ॥ ७०७ ।।
श्री तारण तरण अध्यात्मवाणी जी उवं नमः एकत्वं, पद अर्थं नमस्कार उत्पन्न । उवंकारं च विंद, विंदस्थं नमामि तं सुद्धं ॥ ७०८ ॥ सिद्ध सिद्धि सदर्थं, सिद्धं सुद्धं च निम्मलं विमलं । दर्सन मोहंध विमुक्कं, सिद्धं सुद्धं समायरहि ॥ ७०९ ।। धमं च चेयनत्वं, चेतन लष्यनेहि संजुत्तं । अचेत असत्य विमुक्कं, धर्म संसार मुक्ति सिव पंथं ॥ ७१० ।। पंच अष्यर उत्पन्नं, पंचम न्यानेन समय संजुत्तं । रागादि मोह मुक्तं, संसारे तरंति सुद्ध सभावं ॥ ७११ ।। अप्प सहावं सुद्धं, अप्पा सुद्धप्प सद्दहइ सुद्धं । संसार भाव मुक्कं, अप्पा परमप्पयं च संसुद्धं ॥ ७१२ ।। आदि अनादि सुद्धं, सुद्धं सचेयन अप्प सभावं । मिथ्यात राग विमुक्कं, आकारे विमल निम्मलं सुद्धं ॥ ७१३ ।। इस्ट संजोयं सुद्ध, इय दंसन न्यान चरन सुद्धानं । मिथ्या सल्य विमुक्कं, अप्पा परमप्पयं च जानेहि ॥ ७१४ ।। ईर्जा पंथ निवेदं, तिअर्थं संजुत्त न्यान संपन्नं । कुन्यान मोह विरयं, ईर्जा पंथ सु निम्मलं सुद्धं ॥ ७१५ ।। उत्पन्न न्यान सुद्धं, न्यान मई निस्च तत्त ससरूवं । तत्तु अतत्तु निवेदं, मल मुक्तं च दंसनं ममलं ॥ ७१६ ॥ ऊर्धं ऊर्ध सभावं, ऊर्धं संजुत्त दिट्टि दंसनं ममलं । विषय कषाय विमुक्कं, ऊर्धं संमत्त सुद्ध संवरनं ॥ ७१७ ।। ऋजु विपुलं च सहावं, सुद्ध झानेन न्यान संजुत्तं । संसार सरनि विरयं, अप्पा परमप्प सुद्ध सभावं ॥ ७१८ ॥
| SR No. | 009713 |
| Book Title | Adhyatma Vani |
| Original Sutra Author | N/A |
| Author | Taran Taran Jain Tirthkshetra Nisai |
| Publisher | Taran Taran Jain Tirthkshetra Nisai |
| Publication Year | |
| Total Pages | 469 |
| Language | Hindi |
| Classification | Book_Devnagari |
| File Size | 3 MB |