Page Text
________________
श्री कमल बत्तीसी जी
श्री तारण तरण अध्यात्मवाणी जी
विचार मत य श्री कमल बत्तीसी जी
(आर्या छन्द) तत्त्वं च परम तत्त्वं, परमप्पा परम भाव दरसीये । परम जिनं परमिस्टी, नमामिहं परम देव देवस्या ॥ १ ॥ जिनवयनं सद्दहनं, कमलसिरि कमल भाव उववन्नं । अर्जिक भाव सउत्तं, ईर्ज सभाव मुक्ति गमनं च ॥ २ ॥ अन्मोयं न्यान सहावं, रयनं रयन सरूव विमल न्यानस्य । ममलं ममल सहावं, न्यानं अन्मोय सिद्धि संपत्तं ॥ ३ ॥ जिनयति मिथ्याभावं, अत्रित असत्य पर्जाव गलियं च । गलियं कुन्यान सुभावं, विलय कम्मान तिविह जोएना ॥ ४ ॥ नंद अनंदं रूवं, चेयन आनंद पर्जाव गलियं च । न्यानेन न्यान अन्मोयं, अन्मोयं न्यान कम्म षिपनं च ॥ ५ ॥ कम्म सहावं विपनं, उत्पत्ति षिपिय दिस्टि सभावं । चेयन रूव संजुत्तं, गलियं विलयंति कम्म बंधानं ॥ ६ ॥ मन सुभाव संषिपनं, संसारे सरनि भाव विपनं च । न्यान बलेन विसुद्ध, अन्मोयं ममल मुक्ति गमनं च ॥ ७ ॥ वैरागं तिविह उवन्नं, जनरंजन रागभाव गलियं च । कलरंजन दोस विमुक्कं, मनरंजन गारवेन तिक्तं च ॥ ८ ॥ दर्सन मोहंध विमुक्कं, रागं दोसं च विषय गलियं च । ममल सुभाव उवन्न, नंत चतुस्टय दिस्टि संदर्स ॥ ९ ॥ तिअर्थ सुद्ध दिस्ट, पंचार्थ पंच न्यान परमिस्टी । पंचाचार सुचरनं, संमत्तं सुद्ध न्यान आचरनं ॥ १० ॥
दर्सन न्यान सुचरनं, देवं च परम देव सुद्धं च । गुरं च परम गुरुवं, धर्मं च परम धर्म सभावं ॥ ११ ।। जिनं च परम जिनयं, न्यानं पंचामि अषिरं जोयं । न्यानेन न्यान विधु, ममल सुभावेन सिद्धि संपत्तं ।। १२ ।। चिदानंद चितवनं, चेयन आनंद सहाव आनंदं । कम्म मल पयडि षिपनं, ममल सहावेन अन्मोय संजुत्तं ।। १३ ।। अप्पा परु पिच्छंतो, पर पर्जाव सल्य मुक्तानं । न्यान सहावं सुद्धं, सुद्धं चरनस्य अन्मोय संजुत्तं ।। १४ ।। अबंभं न चवन्तं, विकहा विसनस्य विषय मुक्तं च । न्यान सहाव सु समय, समयं सहकार ममल अन्मोयं ।। १५ ।। जिन वयनं च सहावं, जिनियं मिथ्यात कषाय कम्मानं । अप्पा सुद्धप्पानं, परमप्पा ममल दर्सए सुद्धं ॥ १६ ॥ जिन दिस्टि इस्टि संसुद्धं, इस्टं संजोय तिक्त अनिस्टं। इस्टं च इस्ट रूवं, ममल सहावेन कम्म संषिपनं ॥ १७ ॥ अन्यानं नहु दिस्टं, न्यान सहावेन अन्मोय ममलं च । न्यानंतरं न दिस्टं, पर पर्जाव दिस्टि अंतरं सहसा ॥ १८ ॥ अप्पा अप्प सहावं, अप्पा सुद्धप्प विमल परमप्पा । परम सरूवं रूवं, रूवं विगतं च ममल न्यानस्य ॥ १९ ।। विमलं च विमल रूवं, न्यानं विन्यान न्यान सहकारं । जिन उत्तं जिन वयनं, जिन सहकारेन मुक्ति गमनं च ॥ २० ॥ षट्काई जीवानं, क्रिपा सहकार विमल भावेन । सत्व जीव समभावं, क्रिपा सह विमल कलिस्ट जीवानं ॥ २१ ।।
| SR No. | 009713 |
| Book Title | Adhyatma Vani |
| Original Sutra Author | N/A |
| Author | Taran Taran Jain Tirthkshetra Nisai |
| Publisher | Taran Taran Jain Tirthkshetra Nisai |
| Publication Year | |
| Total Pages | 469 |
| Language | Hindi |
| Classification | Book_Devnagari |
| File Size | 3 MB |