Rushidatta Charitra Sangraha

SR No.: 009695
Original Sutra Author: N/A
Author: Chandanbalashreeji
Publisher: Bhadrankar Prakashan
Publication Year: 2011
Total Pages: 436
Language: Sanskrit
Classification: Book_Devnagari & Literature
File Size: 2 MB

Page 355

परिशिष्टम् [ १ ] इसिदत्ताकहा ॥ ]
[ २८१
इसिदत्ता वि य तदो महदा दुक्खेण समक्कंता कतंतसंखोभिदसरीरा कलुणाई विलवमाणी खरदब्भसूइकंटगखाणुगगोकंटकादितिक्खविंधितपरमसुकुमालचलणकोमलंगुलितलेहिं लोहिदबिंदुगाई विणिम्मुयमाणी जमपुरिस [ स ] रिसपरमदारुणघोरचंडालमुहुम्मुक्का, वागुरमुहुम्मुक्का इव हरिणी, भीभयचकिदसंकिदु (? द) व्व अवयक्खंती सव्वदो दिसीए बाधाई, तं रुक्खपद्धदिं अणुसरंतो अरण्णं समोगाढा । चिंदेदि य रुअमाणोधिरत्थु खलु गयकण्णचंचलाणं भग्गधेज्जाणं । पुरा एदेणं चेव पधेण अहं महामहंताए विभूतीए करितुरगपवररधवरबद्ध (? पध ) कराणुबद्धा, महदा तुरियणिणादजयसद्दाणंदणंदिदा, चलचंचलचारुचामराडोवधरिदधवलातपत्ता, परपादेहिं गदा । अकदपुण्णा एहि पुण एगागिणी विसमसावदपडहोरडंतदुद्दंतकतंतदीहरकरविसमपक्खित्तदित्तगलग्गहादिपाएहिं महिं विगाहामि । कत्थइ अदिविसमगयकुलोरसिदपडिसुआसद्दभीमवि [त्त ] त्था, कत्थइ दरिदयमाधिवहुंकारविमुक्कपरमघोरवि ( ? व ) ज्जासणिसरिसदारिदहिदया, कत्थइ भल्लुंकिकंकवायस-मिय-महिस-वराह-सहूल-गय- गवय-खग्ग-गंडग-हत्थ ( ? त्थि ) -तरच्छच्छ-भल्लचिल्लल-रुरु-चमरसंबर- हरि - हरिण - दि (? चि) त मज्जार- कोवकोक्कं तमहासकुणरसिदपरिभीदचलिदथक ( ? ग ) थगेंतहिदया, भिल्लपुलिंदुद्दामसवरपुक्कारसमुव्विग्गचेदसा कत्थइ णियु (? लु) क्कमाणी विपलायंती य विसमगहणेसु, कत्थइ समभिभूदा रुअमाणी दुक्खसंतत्ता, कत्थइ गहणेसु रुक्खहेट्ठेसु वीसमंती, संपत्तिवसेण केणब्बिइरअ ( ? ) दिट्ठा रत्तीए सावदभीदा गिरीगुहासु णदिणिगुंजेसु य वसमाणी, पुप्पुकण्णिद ( ? )मुहला विसम - सोगसंतापहदा कमेण बहुजोयणियं अद्धाणं विगाहमाणी तीय रुक्खपंतीए पत्ता तं पेदियं आसमपदं (तु) चिरकालसुण्णं अतिरेयभयंकरं रणरणायंतं । पिदुणा परिभुत्ताणि य पदेसाई पेच्छमाणी सुमरमाणी य पिदुणो कलुणं कलुणं परुण्णा । मणमणस्स मणसा अल्लीणा य चिरकालपवसिदतावसं कयक ( ? व ) ररयारुणं आसमपददेवकुलियं उडवगं च ।
तत्थ य बहुं विलविदूणं पिदुणो चिव्व (? इ) गं गदा । तं च पच्चक्खं पितरं पिव द परममहदुक्खपेल्लिदा मोहमुवगदा । सुचिरेण य आसत्था विलविदुं पयत्ता - हा तात ! हा जणग ! हा महओरससिणेहपूरिद ! हा, अज्ज वसणभागिणी जादा हं तुह वियोगे । हा पिति ! हा मज्झ गुरु ! महायस ! दे ता वाहरसु ममं भीदं दुक्खिदं सरणागदं । सरणागदवच्छला हु सरसा । अविय,
दूसहसोआभिहदं दुहिदं सरणागदं च भीदं च । उदाधएध (?) अधण्णं धूदं वैसणहुदं तात ॥
१. 'कर' खं० मो० प्रत्योः नास्ति । २. थायस खं० मो० विना । वाथायस खं० मो० । ३. गयखयगंडगहत्थ खं० विना । ४. भासंबर खं० मो० । ५. हदिण खं० मो० । ६. मज्जाराकावाकाक्कंति खं० विना । ७. थकत्थत खं० विना । ८. परभूमंह खं० मो० विना । ९. दसोअभि० खं० मो० विना । १०. उदाएध मो० विना । ११. वसणदुद्दंतात खं० विना ।
D:\chandan/new/datta-p/pm 5 \ 2nd proof