________________
10
१२४]
[दीपालिकापर्वसंग्रहः ॥ सूरिराह-पाणयकप्पाउ चुओ आसाढे सुक्कपक्खछट्ठिदिणे ।
खत्तियकुंडग्गामे हत्थुत्तररिक्खयोगेण ॥१०॥ सिद्धत्थपत्थिवपिया तिसलादेवीए उयरि उप्पण्णो ।
अह सा वि रयणसेसे पासइ चउद्दस महासुमिणे ।।११।। चित्तस्ससुद्धतेरसिं रत्तिं जाउ पहू कणयवण्णो । तत्तो से सूईकम्मं विहियं छप्पन्नकुमरीहिं ॥१२॥ णाणेण मुणिय जम्मणं अभिसेओ पवरतित्थनीरेहिं । सुरगिरिसिहरम्मि तहिं विहिओ चउसटिइंदेहिं ॥१३॥ वमइ नायकुलंतो विहियं नामं च वद्धमाणो त्ति । अणहियकलाइ कुसलो जुव्वणसमयं तओ पत्तो ॥१४॥ भोगे परम्मुहेण वि कम्मं नाऊण भोगफलबद्धं । ते पहुणा परिणीया जसोमई रायवरकन्ना ॥१५॥ तिहिं णाणेहिं समग्गो तीसं वासाई वसइ गिहवासे । लोगंतियदेवेहिं दिक्खासमए तओ कहिओ ॥१६॥ संवच्छरियं दाणं दाऊं चंदप्पहाए सिवियाए । पव्वइओ सिरिवीरो मग्गसिरे कसिणदसमि दिणे ॥१७।। छउमत्थो वीरजिणो पक्खाहियसड्ढबारिवरसेसु । सुरनरतिरिउवसग्ग यऽभग्गचित्तो सहइ सम्मं ॥१८॥ उज्जुवालिनइतीरे सामायकुडंबिखित्तपासंमि । सालरुक्खस्स हिट्ठा उकूडआसणनिसण्णस्स ॥१९।। वइसाहसुद्धदसमीदिवसे छट्ठतवं कुणंतस्स । वीरजिणस्सऽभग्गो उप्पण्णं केवलं नाणं ॥२०॥ देवो देवेहिं कए सालत्तयसोहिए समोसरणे । तित्थयणामं काउं कहेइ धम्मं सयं नाहो ॥२१॥ चउतीसअइसयजुओ अट्ठमहापाडिहेरकयसोहो । भव्वाण बोहणत्थं विहरइ भूमंडले तत्तो ॥२२॥
25
D:\chandan/new/kalp-1/pm5\3rd proof
