________________
पंचकल्लाणं
सुरमिहुणगपरियरिओ, कमेण संवढिओ तियसमहिओ।
सारयससिव्य भयवं, पयर्डतो देहकंतीए ॥२॥ सुरवइआणाएँ सुरो, जगप्पहाणस्स दिव्यमाहारं ।
देवकुराए गहिउं, निवेयई उसमसामिस्स ।।३।। अह जोव्वर्णमि पत्ते, सुरिंदमहिए जिणंमि सुरनाहो।
आगम्म विभूईए, विवाह किच्चं कुणइ सव्वं ॥४॥ सह देवेहिं परिगओ, वंदित्ता तिहुयणच्चियं उसभं ।
पुच्छंतमिहुणगाणं, भयवं परिकहइ करणिज्जं ॥५॥ रायाभिसेयकाले, पुणरवि आगम्म भत्तिराएणं ।
सीहासणंमि पवरे, अहिसिंचइ कणयकलसेहिं ॥६॥ सुहगंधोदयदेवंगवत्थ आभरणदिव्वमउडाई ।
हरिचंदणगंधुक्कडविलेवियं कुणइ जगनाहं ॥७॥ वरसुरभिमल्लसुरतरु-सुयंधकुसुमच्चियं तियसणाहं ।
पवरपलम्बियमालं, गंधेणासत्तभमरउलं ॥८॥ पउमिणिपुडेहिं तोयं, आणेउं मिहुणगेहिं दट्टणं ।
पययंकयंमि खितं, तुट्टो सक्को य सुरराया ॥९॥ कंचणविणीयनयरी, तेसिं काऊण पत्तु सुरलोए ।
उग्गा भोगा राइन्नखत्तिया आणं पडिच्छंत्ति ॥१०॥ ससीएँ पालियजणो, संगहियतुरंगहत्थिगोरयणो।
बहुगामनगरपट्टण, दंसिय कम्माण आयारो ॥११॥
"Aho Shrut Gyanam"
