________________
त्रिदश-तरङ्गिणी
२१ सेवागतामरनरावलिपापवैरि-प्रध्वंसनप्रगुणिता इव यस्य भान्ति । आग्नेयशस्त्रनिवहास्तनुकान्तिरूपा:,
पायाद् भवात् स भवतः प्रभुवासुपूज्य: ।।१४।। को नार्या जनितो विनाऽपि हि पति ? कस्मिन् भवेच्चन्दनं ?
का मान्या गृहिणां स्फुटा यदभिधा प्रश्नादिवर्णैर्भवेत् । कीदृग् ध्यानतपःश्रुतैजिनमतैः प्राणी भवत्यञ्जसेत्येवं च प्रतनोतु वः स भगवान्नामानुरूपां धियम्
(वि+म+ल: विमल:) ।।१५।। नेत्रश्रीर्जलराशिगूढविलसत्काम्यार्थ रत्नोच्चयान्,
योऽभूद्दर्शयितुं पुराऽत्र विबुधवातस्य धत्ते च यः । पृथ्वी कीर्तितति तथा सदमृतप्राप्तिर्यदाज्ञावशा,
पायाद् भोगिकुलोद्भवः शिवसदः श्रीमाननन्तप्रभुः ॥१६॥ मङ्गलं प्रवितनोतु भाविना, धर्मतीर्थपतिरामरद्रुमः ।
यत्प्रसादमहिमाणुम्भितं, चक्रिशक्रशिवशर्मसम्पदः ॥१७॥ चिरस्य पीतेन्दुसुधाऽनुवादं, संवीक्षितुं यद्वचनामृतेन ।
सुधारुचेर्लक्ष्ममृगोऽङ्कदम्भाद्यं सेवते शान्ति रयं शिवाय ॥१८॥ इतियुगप्रधा० ह्रदे मध्यमजिनाष्टकस्तवाशीर्वादनामाऽष्टमस्तरङ्गः।
नवमस्तरङ्गः । यः सूरजातोऽपि हि जीवमैत्र्यभाग,
__ मेषाश्रितोऽप्याश्रयते महोच्चताम् । श्रीनन्दनश्चाप्यकरोद् भवक्षयं,स कुन्थुनाथः पृथुसम्पदे सताम् ॥१९॥ ध्वस्ताज्ञानभरः स्मरज्वरहरः सर्वेष्टसौख्याकरः,
क्षीणाशेषदरः क्रमानतनरप्रेयःशिवश्रीकरः । ब्रह्माद्वैतधरः समाश्रितपरत्रैलोक्यरक्षादरः,
कुर्यात श्रीमदरः सतां गुरुतरश्रेयांसि तीर्थङ्करः ॥२०॥
"Aho Shrut Gyanam"
