________________
त्रिषष्टिशलाकापुरुषचरिते
॥१०॥
श्राविकाणां त्रीणि लक्षाण्येकाशीतिसहस्यपि । आकेवलाद्विहरतः परिवारोऽभवत्प्रभोः ॥ १२५ ॥ गतेष्वब्दसहस्रेषु त्रयोविशेषु केवलात् । चतुस्त्रिंशत्सहितेषु शतेष्वपि स सप्तसु ।। १२६ ।। निर्वाणसमयं ज्ञात्वा सम्मेताद्रिं ययौ प्रभुः । समं मुनिसहस्रेण शिश्रियेऽनशनं पुनः ।। १२७ ।। मासान्ते राधकृष्णादितिथौ भे कृत्तिकासु च । समं तैर्मुनिभिः स्वामी प्रपेदे पदमव्ययम् ।। १२८ ।। कौमारराज्यचक्रित्वव्रतेषु समभागकम् । आयुः पञ्चनवत्यब्दसहस्रमभवत् प्रभोः ।। १२९ ।। श्रीशान्तिनाथनिर्वाणादर्धपल्योपमे गते । कुन्थुनाथजिनेन्द्रस्य निर्वाणं समजायत ।। १३० ।।
निर्वाणपर्वमहिमा विदधे सुपर्वनाथैः सुपर्वसहितैः परमेश्वरस्य । दंष्ट्रारदादि परिपूजयितुं यथावन्निन्ये च तैर्निजनिजेषु निकेतनेषु ।। १३१ ।।
षष्ठं पर्व प्रथमः सर्गः श्रीकुन्थुस्वामिचरितम् ।
निर्वाणम् ।
इत्याचार्यश्रीहेमचन्द्रविरचिते त्रिषष्टिशलाकापुरुषचरिते महाकाव्ये षष्ठे पर्वणि श्रीकुन्थुनाथचरित्रवर्णनो नाम
प्रथमः सर्गः ।
॥१०॥
