________________
त्रिषष्टिशलाका
पुरुषचरिते
॥६६॥
सुचिरं स तपस्तेपे सहमानः परीषहान् । अन्ते चानशनं कृत्वा विपद्येन्द्रोऽच्युतेऽभवत् ।। ४०५ ।। अनन्तवीर्यजीवोऽपि भुक्त्वा दुष्कर्मणां फलम् । निर्ययौ नरकाच्छुद्धः स्वर्णधातुरिवानलात् ॥ ४०६ ॥ सोऽस्यैव जम्बूद्वीपस्य क्षेत्रे भरतनामनि । वैताढ्यस्योत्तरश्रेण्यां पुरे गगनवल्लभे ।। ४०७ ।। विद्याधरपतेर्मेघवाहनस्य महात्मनः । जायायां मेघमालिन्यां मेघनादः सुतोऽभवत् ॥ ४०८ ॥
॥ युग्मम् ॥
क्रमेण यौवनं प्राप्तं तं राज्ये मेघवाहनः । निवेश्य परलोकाय निजकार्यमसाधयत् ॥ ४०९ ॥ उभयोरपि वैताढ्य श्रेण्योरधिपतिः क्रमात् । स बभूवैकतेजस्वी द्यावाभूम्योरिवार्यमा ॥ ४१० ॥ दशोत्तरं देशशतं विभज्य तनुजन्मनाम् । दत्वान्येद्युर्मन्दराद्रिं सोऽगात् प्रज्ञप्तिविद्यया ॥ ४११ ।। तत्रान्तर्नन्दनवनं सिद्धचैत्येऽर्चनं व्यधात् । तदा तत्रावतेरुश्च त्रिदशाः कल्पवासिनः ।। ४१२ ।। प्राग्भवभ्रातृसौहार्दादच्युतेन्द्रो विलोक्य तम् । प्राबोधयद्गुरुरिव संसारस्त्यज्यतामिति ।। ४१३ ।। तदामरगुरुर्नाम मुनीन्द्रः समुपाययौ । विद्याधरपतेस्तस्य स्वार्थसिद्धिरिवाङ्गवान् ।। ४१४ ।। तत्पादमूले जग्राह मेघनादस्ततो व्रतम् । अपालयच्चाप्रमत्तस्तपो नियमपूर्वकम् ॥ ४१५ ।। सोऽपरेद्युरथारुह्य गिरिं नन्दनपर्वतम् । ध्यानी तस्थौ समालम्ब्य प्रतिमामेकरात्रिकीम् ॥ ४१६ ॥ तथास्थितं च प्राग्जन्मवैर्यश्वग्रीवनन्दनः । भवं भ्रान्त्वा चिरं दैत्यजन्म प्राप्तो ददर्श तम् ॥ ४१७ ॥ प्राग्वैरादुपसर्गान् स क्रुद्धस्तस्य महामुनेः । चक्रे निसर्गधीरस्य महाद्रोरिव कासरः ।। ४१८ ।।
१ सूर्यः । २ पुत्राणाम् । ३ पूर्वजन्मशत्रुः । ४ महिषो महावृक्षस्येव ।
***
पञ्चमं पर्व द्वितीयः
सर्गः
श्री शान्ति
| नाथजिन|चरितम् ।
अनन्तवीर्य
जीवस्य
अच्युते
उत्पत्तिः ।
॥ ६६ ॥
