________________
त्रिषष्टि
शलाका
पुरुषचरिते
॥३२॥
( द्वितीयः सर्ग :
श्रीमदभिनन्दनजिनचरितम् ।
गुणनन्दनं श्रीमत्संवरोर्वीशनन्दनम् । जगदानन्दनं वन्दे जिनेन्द्रमभिनन्दनम् ॥ १ ॥ तस्य प्रभोर्भव्यजनैं मोहनिद्रादिवार्मुखम् । तत्त्वज्ञानसुधाकुम्भं वक्ष्ये चरितमुज्ज्वलम् ॥ २ ॥ अस्यैव जम्बूद्वीपस्य प्राग्विदेहेषु सुन्दरी । अस्ति श्रीमङ्गलकुलं विजयो मङ्गलावती ॥ ३ ॥ तस्यामस्ति समस्तानां रत्नानामाकरोऽब्धिवत् । वसुन्धराशिरोरत्नं पैरत्नं रत्नसञ्चया ।। ४ ।। तस्यामासीन्महाराजो राजराज इव श्रिया । महाबलो नाम बलान्महाबल इवापरः ।। ५ ॥ उत्साहमन्त्रप्रभुताशक्तिभिः स व्यभासत । गङ्गासिन्धुरोहितांशानदीभिर्हिमवानिव ॥ ६ ॥ स उपायैश्चतुर्भिश्च द्विषद्वर्गविजित्वरैः । चकासामास दशनैरिव निर्जरकुञ्जरः ॥ ७ ॥ देवमर्हन्तमेवैकं साधुमेव गुरुं पुनः । धर्मं जिनोपज्ञमेवातिष्ठते स्म स धीनिधिः ॥ ८ ॥ दानशीलतपोभावभेदाद्धर्मे चतुर्विधे । सोऽरंस्त महतां यस्मात्पुण्यं पुण्यानुबन्धकम् ।। ९ ।। स विवेकी भयोद्विद्मः सर्वत्रानित्यतां विदन् । नातुष्यत्छ्रावकधर्मे देशमात्रविरागिणि ॥ १० ॥ ततो विमलसूरीणां पादान्ते दान्तपुंगवः । सोऽग्रहीत्सर्वविरतिं व्रतोच्चारणपूर्वकम् ।। ११ ।।
१ गुणाः एव द्रवः वृक्षाः तेषां नंदनं नंदननामकं वनं । २ प्रातःकालसमानम् । ३ नगररलं । ४ कुबेरः । ५ सामदामभेददडैः । * "जन्तु मो° । ■ नः अकर्तृकं जगदिवाति° । + विरामिणी ।
*৬
तृतीयं पर्व द्वितीयः सर्गः
अभिनन्दन
जिनचरितम् ।
पूर्वभवचरितम् ।
॥३२॥
