________________
त्रिषष्टिशलाकापुरुषचरिते
द्वितीयं पर्व तृतीयः सर्गः अजितसगरचरितम् ।
॥७८॥
282828282828282828282828282
देवदूष्याण्यदूष्याणि, जगन्नाथेन तत्क्षणे । वासांसि वासयामास, वासवो वासनावसुः ॥ २०१॥ मुकुटं कुण्डले हारं, केयूरे कङ्कणे अपि । अपरानप्यलङ्कारान्, नाथेनाऽग्राहयद्धरिः॥२०२॥ प्रसूनदामभिर्दिव्यैः, सनाथीकृतकुन्तलः । तृतीयेनेव नेत्रेण, तिलकेनालिके विभान् ॥२०३॥ देवीभिर्दानवीभिश्च, मानवीभिश्च सर्वतः । विचित्रभाषामधुरं, गीतोपक्रान्तमङ्गलः ॥ २०४ ॥ सूतैरिव स्तूयमानः, सुरा-ऽसुर-नरेश्वरैः । व्यन्तरैः कृतधूपार्घः, स्वर्णधूपघटीधरेः ॥ २०५॥ सकुरण्टकेन श्वेतातपत्रेण महीयसा । विराजमानः शिरसि, हृदेनेव हिमाचलः ॥२०६ ॥ वीज्यमानोऽमरैश्चारुचामरैः पार्श्वयोर्द्वयोः । वेत्रिणेव विनीतेन, दत्तहस्तो बिडौजसा ॥२०७॥ हर्ष-शोकादिमूढेन, सगरेण महीभुजा । अनुकूलानिलेनेवाऽन्वीयमानोऽश्रुवर्षिणा ॥२०८ ॥ परितः पावयन् पादैः, स्थलाम्भोजनिभैर्भुवम् । सहस्रवाह्यामारोहच्छिबिकां सुप्रभां प्रभुः ॥२०९॥
॥सप्तभिः कुलकम् ॥ उदासे शिबिका पूर्वं, नरैविद्याधरैस्ततः । देवैस्तदनु खे खेटविमानभ्रमदायिनी ॥ २१०॥ तैरुत्क्षिप्ताऽम्बरतलेऽनुद्घातगतिशालिनी। यानपात्रमिवाऽम्भोधौ, सा स्वामिशिबिका बभौ ॥२११॥ तत्र सिंहासनासीनं, चामराभ्यां जगत्प्रभुम् । वीजयामासतुरुभौ, सौधर्मेशानवासवौ ॥ २१२ ॥ प्रचचाल जगन्नाथो, विनीतामध्यवर्त्मना । वरो वधूपाणिमिव, दीक्षामादातुमुत्सुकः ॥२१३ ॥ चलन्तश्चलताडङ्काश्चलहाराश्चलाञ्चलाः । शिबिकावाहिनो रेजुश्चलाः कल्पद्रुमा इव ॥२१४ ॥
१ अदूषितानि। २ धर्मरूपा वासना एव वसुर्यस्य सः। ३ ललाटे। ४ बन्दिजनैः। ५ इन्द्रेण । ६ देवः । ७ प्रतिघातवर्जितया गत्या राजमाना। ८ चलकुण्डाः । ९ चलवस्त्राञ्चलाः।
282828282828282828282828282
अजितजिनप्रव्रज्यामहोत्सवः।
॥७८॥
