Page Text
________________
[श्रीविचाररत्नाकरः हेतुग्राह्याश्च, ते रोचते-सद्दहति दसप्पगारो वा खमादिसमणधम्मो तस्स णं बहूणि सीलव्वय० सीलं-सामाइयं देसावगासियं पोसहोववासो अतिहिसंविभागो य, वयाणि पंचाणुव्वयाणि, 'गुण'त्ति तिण्णि गुणव्वयाणि, पोसहो चउव्विहो आहारपोसहो, सरीरसक्कारपोसहो, अव्वावारपोसहो, बंभचेरपोसहो । 'णो सम्मं पट्टवियाई' णो सक्कारो पडिसेधो ‘णो सम्म' यथोक्तं 'पट्ठवियाई'ति प्रस्थापितानि आत्मनि यथा प्रतिमा प्रस्थापिता देवकुले प्रतिपत्ति प्रतिमानां वा 'पडिमा दंसणसावगो' [ ] त्ति । पढमा पडिमा १। अहावरा दोच्चा-अथेत्यानन्तर्ये अपरा-अन्या सामाइयं देसावगासियं ‘णो सम्म' यथोक्तं ण सक्केति काएण तिविहेणावि करणेन कारण दुक्खं अणुपालिज्जति तेण कायग्रहणं, दोच्चा पडिमा २। चतुर्दशी अट्ठमी उद्दिट्ठा-अमावासा पडिपुण्णं आहारादि ४ तच्चा पडिमा ३। यदिवसं उववासो तद्दिवसं रत्तिं पडिमं पडिवज्जति तं ण सक्केति चउत्था पडिमा ४। पडिमं पि अणुपालेति असिणाणते ण ण्हाहिति पंचमासे वियडभोजीप्रकाशभोजी दिवसतो भुंजति न रात्रौ पंच वि मासे मउलिकडो-साडगस्स दो वि अंचलाओ हेट्ठा करेति कच्छं ण बंधति जाव पडिमा पंचमासिया ण समप्पेति तावदिवसो बंभयारी रत्तिं परिमाणं करेति दो तिण्णि य, पोसहिओ रत्तिं पि बंभचारी 'से'त्ति णिद्देसे जो हेट्ठा भणितो इदृग्लक्षणेन एतारूवेण अह दिवसो कहं एगाहं स तं पडिवण्णो कालगतो य संजमं वा गेण्हेज्जा एतेणेगाहं वा दुयाहं वा इयरहा संपुण्णा पंचमासा अणुपालेयव्वा एवं जहा भणिया 'एस'त्ति पंचमासिया अहासुत्ता-जहासुत्ते भणिया कप्पेति-मज्जाया यथातथ्यो मग्गो १ णाणादी ३ जहामग्गो ण विराहिज्जति सम्म अट्टदुहट्टाणि ण चिंतेति स्पृष्टा-फासिता पालिता-रक्खिता सोभिता-ण भग्गा तीरिता-अंतं नीता किट्टिता-कीर्तिता आयरियाणं कहिता आराधिता ण विराहिता आणा-सुअं तदुपदेसेण अणेहिं पालितं पालेइ अणुपालेइ भवति होति पंचमा ५। रातोवरातं ति रतिंदिया य रत्तीए उवरमो दिवसे सच्चित्तं उदगं कन्दादि वा अपिरणाता अपच्चक्खाता आहारेति अपोसहितो, छट्ठा पडिमा ६। आरंभकरणे कारावणे वा णिउज्जति जं से कम्म तं करेति सयं परेण वि कारवेति अणुमोयति अ पोसहितो पोसहिए अणुमोयति केवलं सच्चित्तं णाहारेति उदगफलादि, सत्तमा पडिमा ७। आरंभं सयं ण करेति किसिवाणिज्जादि पेस्सा-भयगा तेहिं करावते अट्ठमा पडिमा ८। णवमासियाए अप्पणा परेण वि ण करेति वि ण कारवेति वि । जं पुण तं णिमित्तं कोइ उवक्खडेति तं भुंजइ
D:\ratan.pm5\5th proof
| SR No. | 009628 |
| Book Title | Vicharratnakar |
| Original Sutra Author | N/A |
| Author | Kirtivijay, Chandanbalashree |
| Publisher | Bhadrankar Prakashan |
| Publication Year | 2010 |
| Total Pages | 452 |
| Language | Sanskrit |
| Classification | Book_Devnagari & Spiritual |
| File Size | 2 MB |