________________
भावे भरतचक्रिकथा ]
ते च्चिय तित्थे ण्हाया ते च्चिय सियजसधवलियदियंता । ते च्चिय सुरगुरुसरिसा ते च्चिय भुवणम्मि विक्खाया ॥ ते च्चिय णयणाणंदा तेहि य दिण्णाणि सव्वदाणाणि । ते च्चिय जयम्मि सुइणो ते च्चिय सुरणाहणयचलणा ॥ ते च्चिय गुणिणो गुरुणो सुहिणो तेयस्सिणो य ते चेव । जे विगयविसयतण्हा जिणिदमग्गं समल्लीणा ॥ धन्ना य भायरो मे समत्थसावज्जजोगपरिहारं । काऊण विगयसंगा जाया समणा समियपावा ॥ एत्तियमित्तं कालं मि विसयासत्तेण जं कयं पावं । तं तिविहं तिविहेणं जावज्जीवाए उज्झामि ॥ तो से विसुद्धदंसणनाणचरित्तेहिं वट्टमाणस्स । सासयमउलमणंतं उप्पन्नं केवलं नाणं" ॥ वोलीणाणागयवट्टमाणणीसेसभावपडिएणं । तं णत्थि जं ण पासइ भरहमुणी दिव्वनाणेण ॥ पासम्मि इत्थिरयणं करि - हरि - रह - जोहसंगयं रज्जं । भोगा सुरेंदसरिसा रमणीओ सुरसमो वेसो ॥ सीहासणे णिसन्नो संपत्तो तह वि केवलं भरहो । जहा ण बज्झत्थं विसुद्धभावस्स पडिबंधो ॥ आसणकंपाणंतर संपत्तो तं भणइ हरी इणमो । गेण्हसु य दैव्वलिंगं भगवं ! वंदामि जं तं सि ॥ रायसहस्ससमेओ लिंगं घित्तुं गिहाउ णीहरिओ । आइच्चजसो पुत्तो हरिणा रज्जमि संठविओ ॥
१. क. 'धन्नयरो सेस° । २. क. उल्लामि । २. क. दिव्व ।
D:\mala.pm5\2nd proof
[ ४१
5
10
15
20
