________________
10
३४]
[ ४. भावे इलापुत्रकथा ]
इहेव जंबुद्दीवे दीवे भारहे वासे विउसजणपसंसणेज्जं गुणनिहाणं इलावद्धणं नाम नयरं । जं च, परिगयं परपुरिसालधं गंभीराए कुलवहुसंकासाए परिहाए । चक्कलियं तुहिणगिरिसंकासेणं छुहाधवलेणं दूरुण्णयपागारेणं विभूसियं चुल्लहिमवंतपडिमेहि 5 सिरिसणाहेहिं धवलहरेहिं । मंडियं सुरसेलसरिसेहिं तियसबिंबाणुगएहिं देउलविहारेहिं, ति(टि)विडिक्कियं सुविभत्ततिय - चउक्क - चच्चर - चउमुह - महापहपहेहिं ति । अवि य
25
[ सविवरणं धर्मोपदेशमालाप्रकरणम्
दडुं पुरस्स सोहं तियसाण वि विम्हओ मणे जाओ । किं तियसपुरं इणमो वणिम्मियं विस्सकम्मेणं ? ॥
तत्थ त्थि इलादेवी तत्थ वसंतेण इब्भमिहुणेण । पुत्तत्थं विन्नविया ओवाइयसंपयाएण ||
चइऊण देवलोगा देवो गब्भम्मि तीए उववन्नो । सीहं उच्छंगगयं सुमिणे दट्ठूण पडिबुद्धा ॥
महापुरिसाणुरूवडोहलयसंपाडणेण य वड्ढिओ गब्भो । उचियसमए य पसूया एसा देवकुमारोवमं दारयं । वद्धाविओ य इब्भो । कयं महावद्धावणयं । दिन्नं इलाए देवीए 15 ओवाइयं । कयं दारयस्स णामं इलाय ( इ )पुत्तो त्ति । कमेण य वड्ढिओ देहोवचएणं, कलाकलावेण य । संपत्तो सयलजणसलाहणिज्जं जोव्वणं ति । अवि य
"जीए जहिं चिय पढमं कुमारअंगम्मि णिवडिया दिट्ठी । ती तहिं चेव ठिया संपुण्णो कीए वि ण दिट्ठो" ॥
एवं चा(च)बुहजणपसंसणेज्जं जीयलोयमणुहवेंतस्स संपत्तो सरयागमो । जत्थ 20 य, सरयसिरिसमद्धासिया रेहइ महिमहिला । महिमहिलारंजियाइं रेहंति काणणाई । काणणविहूसियाइं छज्जंति सरवराई । सरवरटिविडिक्कियाई सहंति पंकयाइं । पंकयविहूसियाइं सोहंति भमरकुलाई । भमरउलविभूसियाई अग्घंति गयउलाई । गयउलपसाहियाइं रेहंति महानरेंदधवलहरंगणारं । अवि य
नवणीलुप्पलदेहो ताराधयरट्ठि(ट्ठ)परिगओ सहइ | अहिणवससिकलहंसो वित्थयणहमाणससरम्मि ॥
१. ज. उ ।
D:\mala.pm5\2nd proof
