________________
३२]
[ सविवरणं धर्मोपदेशमालाप्रकरणम् "कुसलाणुबंधे कम्मोदएण धम्मत्थकामसंजोत्ता ।
वेच्चंति वासरा सुपुरिसाण पावाण विवरीया" ॥ [ ] अन्नया सज्जिया धाडी णिवडिया गामे विलुपंती य परिवाडीए पत्ता रोरबंभणगेहं । ण केंचि लद्धं, णवरं तक्खणसंसिद्धपायसपडिपुन्नथालिं गहेऊण गया भिल्ला गाममज्झे । ततो पणट्ठासाणि छुहापरेद्धाणि रोवमाणाणि णिग्गयाणि डिंभाणि पिउणो समीवं । भणियं च णेहि-ताय ! सो सव्वो पायसोंबाए पिक्खमाणीए गिण्हिऊण पहाविया भिल्ला गाममज्झे । ततो रोसवसतंबिरच्छो गहियलउडोऽणुपयं गओ बंभणो। देट्ठा भिल्ला, समाढत्तं भंडणं । अव्वो ! एस च(व)क्कयरो मम भेल्ले अभिभवइ त्ति मन्नमाणेण वावाइओ
दढप्पहारिणा । इमं च सोऊण गब्भभरणीसहंगी आगया बंभणी। भणिओ णाए 10 भिल्लाहिवो-"आ पाव ! णिरणुकंप ! सरणागयघायग ! परदारासत्त ! अलियवयण !
चोर ! अणज्ज ! विलाय(लया)गोबंभणमारग ! अच्चंताहम ! चंडाल ! निग्घिण ! कयग्घ ! खल ! पिसुण ! अदट्ठव्व ! णीलज्ज ! असंतुट्ठ ! महापाव ! किमेयं तए ववसियं?" पुणरुत्तमुक्कोसंती समुप्पन्नकोवेण बावाइया सा वि । तओ फुरफुरायमाणं
गब्भं णिएऊण संवेगसारं चिंतियमणेणं-धिरत्थ मम पावस्स. जस्सेरिसं चिट्रियं । ता किं 15 जलणं पविस्सामि ?, अणसणं करेमि ?, सत्थयारे पुच्छामि ?, भयरवाउ पडामि ?, महापहं वच्चामि ?, तित्थेसु ण्हामि ?, मुणिणो सेवेमि ?, तिणयणमाराहेमि?, भद्दियं थुणामि ?, दिवसयरं झाएमि ? । अवि य__ इय एवंविहचिंतापरेण दिट्ठो महामुणी तेण ।
पाएसु णिवडिऊणं सिटुं णियचिट्ठियं सव्वं ॥ 20 ततो से अणंतरचिंतियं सोऊण भणियं मुणिणा-'भद्द ! ण एते पावमलपक्खा
लणनिबंधणं जलणाइपवेसा अन्नाणहिंसाऽणुगयत्तणओ मोत्तूण सम्मइंसण-णाणचरणाणि, ता तेसु चेव आयरं कुणसु' त्ति । अवि य
अमयं पिव पडिवन्नो मुणिधम्मो तेण साहुमूलम्मि ।
परिगिण्हिऊण सिक्खं घोरागारं तवं कुणइ ॥ एवं च खुहा-पिवासाइबावीसपरीसहे सहंतस्स, दिव्वमाणुसतेरिच्छा य
१. प. गच्छं । २. ज. °रो' । ३. ह. रत्त ।
D:\mala.pm5\2nd proof
