________________
शीले राजीमतीकथा]
[२५ "वोलीणाणागयवट्टमाणणीसेसभावप( घ)डिएणं।
तं णत्थि जं ण पेच्छइ केवलणाणेण जिणइंदो''।[आउ/२७] चलियासणा य समागया सपरियणा बत्तीसं पि सुरासुरवइणो । ततो आभिओगियसुरेहि समंता समं कयं णिण्णुण्णयं रयणचेत्तं महीयलं, अवहरिउं रयरेणुतणाइयं, गज्जियं वसुमतीए, नेम्मलीहूयो दिसमो, पणट्ठा वेराणुबंधा सह सव्वोवद्दवेहिं। 5 णिवडियं गंधोदयं, वरिसियं दसद्धवन्नं कुसुमवरिसं । हरिसिया सव्वे पाणिणो । णेम्मवियं सालतियं,विउरुव्वियाणि चत्तारि महादाराणि, णिहिया सरसतामरसपिहाणा खीरोच्चजलावुन्ना मणिमयकलसा, णेव्वत्तियं सपायपीढं सिंहासणं, कओ तेलोक्कगुरुणो बारसगुणो द(दि)व्वो कंकेल्लिपायवो । णिरुद्धंबरयलं विमाणमालाहिं, उब्भिया सीहव(च)क्कज्झया, णिबद्धं धम्मचक्कं, पवज्जिया तियसदुंदुहीओ, समुच्छलिओ 10 देव्वघोसो, अवयरिया तियसाइणो सव्वहा । किं बहुणा? णिव्वत्तियं सव्वं पि णिउत्तामरेहिं । तओ धरियधवलायवत्तो तियसविणिमावियदिव्वपंकयणिहत्तचलणजुयलो पासट्ठियसक्कीसाणधुव्वमाणसियचामरावयवो भामंडलकिरणसमुज्जोइयगयणंगणो अणेगणरामरकोडिपरिवुडो देव्वतूररवापूरेज्जमाणदिसामंडलो पयाहिणीकाऊण सीहासणं णिसन्नो तत्थ जिणो । अवि य
धरियधवलायवत्तो पुव्वदुवारेण पविसिउंणे मी ।
सीहासणे णिसन्नो णयतित्थो होइ चउवयणो । समारद्धा य जोयणणिहारणीय तिरियणरामरणियणियभासापरिणामपरिणामिणीए अच्चंतमणोहराए देव्वाए भासाए धम्मकह त्ति । अवि य
"धम्मो अत्थो कामो मोक्खो चत्तारि होंति पुरिसत्था । तत्थ वि धम्माउ च्चिय सेसा जह हुंति तह भणिमो ॥ पुढवीए विणा कुंभो तंतुविहीणो य जह पडो णत्थि। दुद्धेण विणा दहियं दहिरहियं जह य णवणीयं ॥ दव्वविहीणा य गुणा सुहदोक्खं जह य जंतुणा रहियं । तह धम्मेण विरहिया तिन्नि वि अत्थाइणो कत्तो ? ॥
15
१. ज.3 । २. क. विउव्वि ।
D:\mala.pm5\2nd proof
