________________
10
शीले राजीमतीकथा]
[२१ पि किलिकेलेंतजूहाहिवाहिट्ठियवाणरणियरविलुप्पंतसिरिफलोवरेहिरो, कत्थ य जहिच्छपसरंतवणचरेहिं बहलकेक्कारवावूरेज्जमाणगुहा विवरंतरो, कत्थ य रहसोवयंततियसकामिणिधम्मेल्लुवेल्लणिवडंतमंदारकुसुमनियरभूसिज्जमाणणियंबत्थलो, कत्थइ किन्नरमिहुणयसमारद्धगेयसद्दायण्णणणेच्चलट्ठियहरिणउलो, कत्थ य कमलकुवलयणीलुप्पलसयवत्तसहस्सपत्तोवसोहियमहासरवरमंडिओ । जो य, माणदंडो विव 5 गयणंगणस्स, चूडामणी विव महिसीमंतिणीए, कन्नावयंसो विव दाहिणदिसावहूयाए, केसकलाओ विव जयलच्छीए, रयणरसणाबंधो विव रईए, रमणुज्जाणं पिव उउसिरीए त्ति । अवि य
पुण्णाग-णाग-चंपय-हिंताल-तमाल-तालसोहिल्लो।
णंदणवणसंकासोउज्जें तोसहइ मेरु व्व ॥ तत्थ य समारूढो चउव्विहदेवणिकायपरिवुडबत्तीससुराहिवपरिवारो जिणो । तओ समाहयाइं आभिओगिएहिं देव्वतूराहिं(इं), आवूरिया असंखसंखा, समाहयाओ देवदुंदुहीओ। पणच्चियाओ देवसुंदरीओ। जयजयावियं तियसेहिं ति । अवि य
अवणद्धसुसिरघणतयचउव्विहाउज्जवज्जसद्देहिं । कण्णपडियं ण सुव्वइ वयणं रोरस्स व पहूहिं ।।
15 तओ विमुक्काणि तित्थयरेणाहरणवत्थाईणि, पडिच्छियाणि हरिणा । समुवणीयं तित्थयरलिंगं देवदुगुल्लं उत्तरासंगीकयं जिणेणं ति।
"सव्वे वि एगदूसेण णेग्गया जिणवरा चउव्वीसं ।
ण य णाम अन्नलिंगे नो गिहिलिंगे कुलिंगे अ" [आनि./२२७] कओ सयमेव पंचमुट्ठिओ लोओ । एत्थंतरम्मि सक्कवयणाओ समुवसंतो 20 कलयलो । कयं सामाइयं ति । अवि य
"काऊण नमोक्कारं सिद्धाण अभिग्गहं तु सो लेइ।
सव्वं मि अकरि र)णेज्जं पावं ति चरित्तमारूढो" [.नि.भा./१०९] पव्वइओ णरेंदसहस्सपरिवारो अणंतरं च जायं मणोणयां ति । अवि य
"तिहि णाणेहिं समग्गा तित्थयरा जाव होंति गिहवासे । पडिवन्नम्मि चरित्ते चउनाणी जाव छउमत्था"[आ.नि.भा./११०]
25
१. ज. जायमणोणणंति।
D:\mala.pm5\2nd proof
