________________
[
७
दाने धनकथा]
को पुण तइया कालो ? संतावियधरणिमंडलो गेम्हो । कुनरिंदेण सेच्छो वोलीणे तम्मि घणसमओ ।। संपत्तो अडवीए तडिच्छडाडोयभासुरो दूरं । संतावियविरहियणो सुदूसहो मयणबाणो व्व ।। हरिकोदंडविणेग्गयधाराबाणेहि विरहिहिययाई । भेण्णाभेण्णाई घणो विज्जोज्जोएण जोएड ॥ सामलवयणगेयं वेज्जोज्जोएण जोयए गिम्हं । संतावियधरणियलं खलो व्व धणुसंगओ जलओ ॥ दूरुण्णयरुयपओहरेसु रेहइ बलायरेंच्छोली । पाउससिरीए हारावलि व्व कंदोट्टणयााए ।। गेम्हणरेंदत्थमणे जलहरसद्देहिं सामवयणाओ। लंबियपओहराओ दूरं रोवंति व दिसाओ ।। मुसुमूरियगिम्हमहाणरेंदकयममहुरजयसद्दो । गहियबलायपडाओ हसइ घणो कडु(कुड)यकुसुमेहिं ।। पाउसलच्छिपओहरपणोल्लिया कामिणो व्व अंगाई। धारेंति नवतणंकुररोमंचोच्चाई धरणिहरा ।। किरणो तरुणो गिरिणो सिहिणो जलया य पंच वि सहति । इंदीवरसंकासा पाउसलच्छीइ पइणो व्व ।। इय एरिसघणसमए सत्थाहो सहइ अडइमज्झम्मि । णीसेससत्थसहिओ कलहाणुगओ गइंदो व्व ।। तत्थट्ठियलोएहिं असणंजं आसि तं निट्ठियं सव्वं । ताहे पुप्फफलेहिं तावसमुणिणो व्व ते लग्गा ।। कइया वि रयणिविरामे चिंतेइधणोइमम्मि सत्थम्मि ।
के सुहिदुहिणो पुरिसा ? हुं मायं साहुणो दुहिया ।। १. ज. रिच्छो । २. ज. गय इवें । ३. ज. गये। ४. ज.णा । ५. ज. महुरय । ६. ह. ज. प. हुन्नी । 1.प. पुण्यपत्तनीयायां प्रतौ तृतीयपत्रादित एवारम्भ उपलभ्यते।
D:\mala.pm5\2nd proof
