________________
[३०९
ग्रन्थकारगुरुपम्पराप्रशस्तिः]
इय तस्स महामुणिणो गुणाणे [अं]तो न तीरए गंतुं । को वा मुणउ पमाणं गयणाभोगम्मि दव्वाण ? ॥१६॥ तस्स सुरमणुयसंथुयचलणट्ठियपंसुरेण असमेण । सीसावयवेण कयं जयसिंहायरियनामेणं ॥१७।। धम्मोवएसमालाविवरणमहियागमाणुसारेण । सुयदेविपसाएणं विमलगुणं कुसुमदामं व ॥१८।। अण्णाणरागदोसाइएहिं जं किंचि विरइयमजुत्तं । तं सुयदेवीगुणिणो खलि(मि)ऊण करिंतु सुसिलिटुं ॥१९।। आगमविहिणा भणियं सव्वमिणं नत्थि कप्पणानूणं । ता जिणवयणसयण्हा आगमभत्तीए गेण्हंतु ॥२०॥ जो सुयदेविसण्णेज्झविरइयं चिंतिऊण वाएइ । परिसाए सो जाणइ तीए संबंधमोक्खाई ॥२१॥ बंधाइ परिहरंतो मोक्खत्थम्मि हुज्जओ ससत्तीए । पुरिसत्थेहिं न मुंचइ सेसेहिं वि कणपलालं व ॥२२॥ जम्हा जिण-गणहर-चक्कवट्टि-बलदेव-वासुदेवाण । केवलि-मणोहि-पत्तयेबुद्ध-जिणकप्पियाईणं ॥२३॥ चरियं एत्थ कहिज्जइ तमणि?विघाइ चिंतियसुहं च । चिंतामणि व्व इहइं परलोए मोक्खसुहजणणं ॥२४॥ तम्हा दुरियविघाइं इह परलोगे य जं च कल्लाणं । इच्छंतो सुण इमं वाएसु य स(भ)व्वसत्ताणं ॥२५॥ वाएंतो निसुणेतो भणियाणुट्ठाणगम् वढ्तो । सिज्झइ तइयम्मि भवे अहवा सत्तट्ठमाईसु ॥२६॥ जाव इ(य) दीवसमुद्दा कुलगिरिणो चंदसूर दिवि देवा । ता पसरउ अक्खलियं मणोहरं नेमिचरियं व ॥२७॥
१. क. णतो, प. णणो । २. क. मा । ३. प. `प्पनू । ४. प. °साण° । ५. प. एसो । ६. क. प. जाणं । ७. क. प. ज. सूरि ।
D:\mala.pm5\2nd proof
