________________
अविधिश्रामण्ये पद्मश्रीकथा]
[२९९ अविहीए सामण्णं कयं पि अप्पफलं समक्खायं । गोवालिसिस्सिणीए पउमसिरीए व्व लोगम्मि ॥१५॥ [अविधिना श्रामण्यं कृतमप्यल्पफलं समाख्यातम् ।
गोपालिशिष्यिण्या पद्मश्रियेव लोके ॥९५॥] । गोपाल्याः शिष्यिणी गोपालिशिष्यिणी तस्याः । कथमिदम् ?
[१५२. अविधिश्रामण्ये पद्मश्रीकथा] रायगिहे समोसरिओ तेलोक्कदिवायरो वद्धमाणसामी । सेणिएण पुच्छिओ'भयवं! का एसा देवया?, जा नट्ठविहिं दाऊण गया' । भगवया भणियं-वाणारसीए नयरीए भद्दसेणनाम जुण्णसेट्ठी । नंदसिरी से भारिया । ताण य कसिणभुयंगि व्व उव्वियणिज्जा. कागि व्व अणिट्रसद्दा, कवियच्छ्वेल्लि व्व अणिटुफासा, विटुरासि व्व 10 दुरहिगंधा, तालउडविसलय व्व असुंदरसा पउमसिरी नाम धूय त्ति । अवि य
जम्मंतरकयपावा रूवाइगुणेहिं वज्जिया एसा। दिट्ठा जणेइ दुक्खं कयंतमुत्ति व्व सव्वेसि ।। मयणानलसंतत्ता जं जं पत्थेइ मंगुलनरं पि ।
नरयपुढवि व्व तेण वि मणसा वि न झायए कह वि ॥ अण्णया समोसरिओ पाससामी तित्थयरो कोट्ठए चेइए । कयं समोसरणमागया देवनरिंदाइणो । पत्थुया धम्मकहा । तओ भगवओ पायमूले धम्मं सोऊण पव्वइया पउमसिरी । समप्पिया गोवालिनामाए मयहरियाए । तओ पुव्वं जहुत्तेण संजमाणुट्ठाणेण विहरिऊण, पच्छा उसण्णीहूया । सा (चो)इज्जमाणा य ठिया पुढोवसहीए । तओ एयाओ ठाणाओ अणालोइयपडिक्कंता मरिऊणोववण्णा चुल्लहिमवंते पउमद्दहे 20 सिरी देवगणिया। [ती]ए नट्टं दाइयं । अण्णे आयरिया भणंति-हत्थिणीरूवं काऊण महया सद्देण वायं मोत्तुमाढत्ता परिसाए बोहणत्थं ति ।
॥पउमसिरीक्खाणयं समत्तं ॥
१. क. ज. संम।
D:\mala.pm5\2nd proof
