________________
निःस्पृहपूजायां धर्मघोष-धर्मयशःकथा ]
[२९५ पेच्छसु' । एवं कए पणट्ठसंकेण वि भणियं तेण–'तहा वि संपयं नियत्तंतो लज्जामि' । तीए भणियं–'वच्छ ! अलं जुज्झज्झवसाएणं, भायरं पि ते उवसामेमि' । गया तत्थ । पडिहारेण विन्नत्तो राया-'देव ! पव्वइया दट्टमिच्छइ' । पविट्ठा एसा, निसन्ना आसणे । 'अहो ! अम्हाण सामिणीए सारिच्छा का वि एसा अज्जा, 'निस्संसयं धारिणि' त्ति जाणिऊण पायवडिओ परियणो रोविउं पयत्तो । पच्छा 5 सवित्थरं निययवुत्तंतं कहेऊण पुणो वि साहियं जहा–'एस ते सहोयरो, ता अलं जुज्झेण' । तओ कया दोण्हं पि भाउयाणं अज्जाए परमपीइ त्ति । ___"तं किं पि अणण्णसमं, सोक्खं खलु आसि ताण तव्वेलं ।
___जं कहिऊण न तीरइ, वाससहस्सेहिं वि बहूहिं" ॥[ ] अपि च- "पादा हिमांशोललितं वधूनां गन्धः स्रजां भ्रातृसमागमश्च ।
10 एकैकमप्येषु मुदं विधत्ते कः संहतानां पुनरस्ति मल्लः ?" ॥[ ] एवं च कोसंबीए कंचि कालं हिययाणुकूलं सुहमणुहविऊण पुणो पयट्टा सह मयहरिया साहुणीहिं जणणीहिं उज्जेणिहुत्तं । कमेण य पूइज्जमाणा जणवएण, पडिच्छंता पाहुडसयाणि, घोसावेंता अमारिं, पूइता जिणमुणिणो, अणुकंपमाणा दीणाणाहसरणागए पत्ता वच्छगातीरम्मि पव्वए । तत्थ तद्देसयारिणो मुणि-सावयाइणो 15 आगच्छंतेण दट्ठण गयाओ ताओ वि । वंदिओ भावसारं, भणिया य एताहिं रायाणो'वयं ताव उत्तिमट्टट्ठियस्स मुणिणो वंदणत्थं चिट्ठिस्सामो' । तेहिं भणियं-'वयं पि से पूयं करेमो' । तओऽणुदियहं समणसंघेण नरिंदेहि य पूइज्जमाणो वंदिज्जमाणो मोत्तूण कडेवरं गओ देवलोगम्मि । ते वि संपत्ता उज्जेणीए सह साहुणीहिं ति ।
अओ भण्णइ–'अणिच्छंतस्स वि धम्मजसस्स पूया जाया, इयरस्स इच्छंतस्स वि 20 न जाया, अओ जहा धम्मजसेण कयं तहा कायव्वं ।।
सुयदेविपसाएणं सुयाणुसारेण साहियं चरियं । दोण्ह वि मुणीण पुव्वं निसुणंतो लहइ निव्वाणं ॥
॥धम्मघोस-धम्मजसक्खाणयं समत्तं ॥
१. क. ज. रणि° । २. क. ज. त° | ३. क. ज. पूइया । ४. क. ज. सं° ।
D:\mala.pm5\2nd proof
