Page Text
________________
२५८]
[सविवरणं धर्मोपदेशमालाप्रकरणम् मरणपज्जवसाणयाए जीवलोयस्स रहगारो मओ । जाओ कोक्कासो जोगो त्ति दिन्नो से रहगारघरविच्छड्डो राइणा । कालंतरेण कोंकणे दुब्भिक्खं जायं । तओ आगओ कोक्कासो उज्जेणीए । राइणो जाणावणत्थं जंतमयकवोएहिं हराविओ से कुट्ठागाराओ साली । जाणिऊण निवेइयं, राइणा वाहराविओ कोक्कासो । सबहुमाणं च कप्पिया से वित्ती । समुप्पण्णो वीसासो । काराविओ जंतमओ गरुडो । तत्थ कोक्कासमहादेवीए सहारुहिऊण राया उप्पइओ गयणेण आणावेइ सव्वराइणो । समइक्कंतो कोइ कालो । सवत्तीवेहए य पुच्छिया महादेवी सेसदेवीहिं–'काए खीलियाए जंतं उप्पयइ, नियत्तइ वा ?' । तीए य पुच्छिओ राया । तओ जाणंतेणावि इत्थियाण चलसहावं अइरागेण साहिओ परमत्थो । भणिया य एसा-'न तए अण्णेसिं 10 कहेयव्वं' । तीए वि साहियं सेसदेवीण । महादेवीरोसेण वि गहिया नियत्तणखीलिया
सेसाहिं । राया वि तं समारूढो, पत्तो कलिंगविसयं । नियत्तणसमए य न दिट्ठा खीलिया । विहलंघलं व भणि(मि)ऊण निवडियं धरणीए जंतं । कोक्कासो ताण विवित्तपएसे मोत्तूण गओ उवगरणस्स नगरे । दिट्ठो रहगारो रायगेहे रहचक्कं समारंतो,
जाइओ उवगरणं । तेण भणियमिमं रायसंतियं, नियगं देमि । जाव निययगेहाओ 15 आणेइ, ताव य अद्धसमारियं चक्कं तं तेण समारियं । दिटुं रहकारेण, जाव भूमीए न
पडइ, पडिफलियं पि पच्छओहुत्तं गच्छइ । 'अव्वो ! विण्णाणाइसएण इमिणा कोकासेण होयव्वं, जस्स य बलेण कागजंघेण राइणो आणाविया' । तओ रहकारेण सिटुं राइणो कोक्कासागमणं । तेण वि गहिऊण बद्धो त्ति । अपि च
"कालिन्द्या दलितेन्द्रनीलशकलश्यामाम्भसोऽन्तर्जले, मग्नस्याञ्जनपुञ्जमेचकनिभस्याहेः कुतोऽन्वेषणम् ? । ताराभाः फणचक्रवालमणयो न स्युर्यदि धोतिनो,
यैरेवोन्नतिमाप्नुवन्ति गुणिनस्तैरेव यान्त्यापदम्" ॥[ ] पीडिज्जमाणेण य दाविओ राया सह देवीए । नियलिऊण निरुद्धं भोयणं । तओ अयसभीरुएहिं नागरेहिं पवत्तियाओ कागपिंडीओ। कालंतरेण य भणिओ कोक्कासो25 'मम पुत्तयसयसहियस्स पासायं कुरु, जेणाहं तत्थ पुत्तेहिं समारूढो राइणो आणवेमि'।
समाढत्तो काउं। निरूविए य पवेसदिवसे पट्टविओ पच्छण्णो काकजंघस्स सुयस्स लेहो
20
१. ह. क. इ°।
D:\mala.pm5\2nd proof
| SR No. | 009624 |
| Book Title | Dharmopadeshmala prakaranam |
| Original Sutra Author | N/A |
| Author | Jaysinhsuri, Chandanbalashree |
| Publisher | Bhadrankar Prakashan |
| Publication Year | 2010 |
| Total Pages | 418 |
| Language | Sanskrit |
| Classification | Book_Devnagari & Religion |
| File Size | 2 MB |