________________
दुःखे धर्मकर्तृगन्धर्वनागदत्तकथा ]
[२५३३ जाव न दुक्खं पत्तो न ताव धम्मं करेइ सुहिपुरिसो । गंधव्वनागदत्तो दिटुंतो एत्थ नायव्वो ॥५॥ [यावद् न दुःखं प्राप्तो न तावद् धर्मं कुरुते [सुखी] पुरुषः । गन्धर्वनागदत्तो दृष्टान्तोऽत्र ज्ञातव्यः ॥७५॥]
__ [१०१. दुःखे धर्मकर्तृगन्धर्वनागदत्तकथा] पंचविहायाररयस्स सूरिणो गच्छे दोन्नि साहुणो कयसंकेया गया सुरलोगं । ताणं एगो ठिइखएण चुओ संतो इहेव भरहवासे वसंतउरे नयरे इब्भघरिणीए नागदेवयाऽऽराहणाओ उववण्णो गब्भत्ताए । दिट्ठो य णाए दिवसयरो महेणोयरं पविसंतो । सहरिसविबुद्धाए य पिसुणिओ भत्तुणो । तेण वि आणंदिया पहाणपुत्तजम्मेण । पडिस्सुयमिमीए । विसिट्ठडोहलावूरणेण य वड्डिओ गब्भो । उचियकाले य पसूया 10 एसा। जाओ देवकुमारोवमो दारओ । वद्धाविओ इब्भो पियंकरियाए । दिण्णं से पारिओसियं । कयं वद्धावणयं । समइक्ते य मासे कयं नामं नागदत्तो । पंचधाईलालिज्जमाणो हत्थाओ हत्थं धारिज्जमाणो, कीलाए सएहि कीलिज्जमाणो, मणोरहसएहिं वियप्पिज्जमाणो. चाडयसएहिं उवयरिज्जमाणो, सव्वहा अमयणीसंदो विव सयललोगाण निव्वुइं जणें तो जाओ अटठवारिसिओ । पसत्थवासरे य 15 समुवणीओ लेहायरियस्स । पुव्वभवब्भासाओ थेवकालेणं चिय गहियाओ बावत्तरिं कलाओ । कमेण य संपत्तो जोव्वणं । जाओ विज्जाहररमणीणं पि पत्थणिज्जो । गंधव्वे य अच्चत्थं वसणं, तेण से लोगेणं गंधव्वनागदत्तो त्ति नामं कयं । अवि य
सयलम्मि वि जियलोए एक्कं मोत्तूण नवरि सुरमंतिं । विण्णाणाइगुणेहिं नत्थि सरिच्छो कुमारस्स ।।
20 वरियाओ य जणएण तण्णयरवासिसत्थवाहाण सव्वगुणाणुगयाओ अणेगाओ बालियाओ, विवाहियाओ महाविच्छड्डेणं । एवं च जम्मंतरसुकयसमज्जियं विउसयणपसंसणिज्जं तिवग्गसुहमणुहवंतस्स सुहियणमित्ताइपरिवुडस्स उज्जाणाइसुं विचित्तकीडाहिमहिरमंतस्स समइक्कंतो कोइ कालो त्ति । अवि य
१. ह. क.
° । २. क. °लाएहिं ।
D:\mala.pm5\2nd proof
