________________
[२३९
40
निःस्पृहतायां सनत्कुमारकथा]
'जस्स कएणं पावं कीरइ जइ नाम भविय अणिच्चं । असुइविरसावसाणं बहुविहदुक्खाण कुलभवणं ॥ ता रज्जाइसमुब्भवपावेण अलं' ति भाविउं धीरो । नरवइसहस्ससहिओ निक्खंतो जिणवरमयम्मि ।। गहणासेवणरूवं किरियं नाऊण कुणइ रन्नम्मि । घोरंमहातवं सो अह उदिता सव्ववाहीओ ॥ निप्पडिकम्मसरीरो पीडिज्जंतो वि वाहिवियाणाहिं । अहियासेइ महप्पा महामुणी मुणियपरमत्थो ।। दटुं सणंकुमारं वाहीवियणारं हरी भणइ । कयसवरवेज्जवेसो वाहीओ अहं पणासेमि ।। सो मुणिणा संलत्तो इहपरवाहीओ काओ अवणेसि ? । तेण पलत्तमिहभवा अवणेमो नेय परलोगा ॥ आमोसहिलद्धीए सडमाणमंगुली फुसेऊण । तरुणदिवायरसरिसा मुणिणा से दाविया तत्थ ॥ ताहे अप्पाणं संसिऊण नमिऊण साहुणो चलणे । संपत्तो नियठाणं सक्को एसो वि ता वाही ॥ अहियासिऊण सम्मं वाससया सत्त पच्छिमे काले । कयभत्तपरिच्चाओ सणंकुमारम्मि संपत्तो । जह कुरुगयउरपिइमाइपभिइ सव्वं सवित्थरं भणियं । तस्सेय निययचरिए तह सव्वं संकहेयव्वं ॥ सुयदेविपसाएणं सणंकुमारस्स साहियं चरियं । संखेवेण महत्थं निसुणेतो लहउ कल्लाणं ॥
॥सणंकुमारक्खाणयं समत्तं ॥
20
१. ह. °णं । २. ह. क. सम्म ।
D:\mala.pm5\2nd proof
