________________
[२३३
सङ्घगुरुकार्ये शक्तिप्रकटने विष्णुकुमारकथा ]
नरनाहकया रक्खा सव्वे वि(चि)य आसमा नियं धम्मं । साहिति तेण राया घिप्पइ तज्जणियधम्मेण ॥ तस्स महीए मुणिणो तक्करपरचक्कट्ठपुरिसेहिं । जणियं न मुणिति भयं तं नरवइणो महापुण्णं ।। रायपरिपालियाणि ह सव्वाणि तवोवणाणि सुपसिद्धं । पूयाणि सामयाणि य सव्वाणि वि देवहरयाणि ॥ कुसुमाहरणविलेवणण्हवणबलिधूवदीवजुत्ताओ। निव्विग्घाओ निच्चं हवंति नरनाहरक्खाए ।। पालिंति सव्वलोगं नाएणं राइणो विसेसेण । दियसमणवुड्डजुवईअणाहसरणागयपरद्धे ।। इय देव ! समणबंभणलोगाइण्णाणि पालयंतस्स । धम्मनिरयस्स इह इटुं फलमिणमो राइणो होइ ।। रहतुरि(र)यचक्कपाय(इ)क्कमत्तमायंगसंगयं रज्जं । न(नि)ट्ठवियसत्तुतिमिरं जायइ सह निम्मलजसेण ॥ वरवत्थपाणभोयणतंबोलविलेवणाइपरिभोगो। गिरिसिहरम्मि वि जायइ समयं नीसेसरयणेहिं ।। गरुयपओहरझिझंतमज्झवित्थिण्णगुरुनियंबाओ। सरसारविंदसरिसाणणाओ लडहाओ तरुणीओ ।। उवभुंजइ य जहिच्छं पुत्ता वि य होंति धीरथिरचित्ता । मित्ता य चित्तसरिसा निद्देसपरा य परमसुहडा । वड्डइ तेओ कित्ती माहप्पं सयलसत्थविण्णाणं । परिविजिओ सोडीरं गुणनिवहो संपया बुद्धी ॥ कि जंपिएण बहुणा ? जं जं हियएण वंछए किंचि । तं सव्वं चिय सिज्झइ नरवइणो धम्मनिरयस्स ।।
D:\mala.pm512nd proof
