________________
२३०]
[ सविवरणं धर्मोपदेशमालाप्रकरणम् वि मुणियजहट्ठियतित्थयरवयणा पव्वइया, अवरे सावगा जाया । अण्णदियहम्मि मिच्छात्ताहिनिवेसेण भणिओ आयरिओ नमुइनामेण मंतिणा-'भो भो ! एयारिसा तुब्भे अमुणियपरमत्था जेण पच्चक्खोवलब्भमाणाणंदसरूवं विसयसुहमुज्झिऊण अंगीकओ सव्वपासंडिदूसिओ विसिट्ठजणपरिहरिओ जिणधम्मो । तहा निययसिरि उज्झिऊण अंगीकया भिक्खा । अहवा लोचियसीसतुंडाण च्छाराभाकुंडलियाण केत्तियमेयं ? ति । अवि य
जत्थ न इ(ति )पुरिसपूया न अग्गिहोओ न वेय( चेव) दियदाणं ।
सो भो ! न होइ धम्मो अह धम्मो भणसु ता मूढा" ॥ 'अव्वो ! मुक्खसढो असमिक्खियाहिवाई य एस मंती, ता किमणेण सह 10 जंपिएण?' भावेंतो ठिओ तुण्हिक्को सूरि त्ति । अवि य
"विद्वानृजुरभिगम्यो विदुषि शठे चाप्रमादिना भाव्यम् ।
मूर्ख ऋजुरनुकम्प्यो मूर्खशटः सर्वथा त्याज्यः" ॥ [ ] तओ लद्धावसरो पुणरुत्तं निदंतो लज्जायमाणेण भणिओ सूरिणा-'भो ! जइ वायसामत्थमत्थि, ता करेसु पुव्वपक्खं' । तओ पाएसु पडिऊण भणिओ चिल्लेणायरिओ त्ति ।
"विलसंतदाणपरिमलगंधायड्डियभमंति(त) भमरेसु । केसरिकम्मो विरायइ सुरदंतिसमेसु दंतीसु ॥ चालियनीसेसाचलजुगंतपवणस्स देवसामत्थं । रेहइ कुलसेलविओइ(ड)णम्मि न य रुक्खगहणेसु ।। नियदिद्विदिट्ठि(8)सो(सा)सियसमत्थसत्तेसु देवगुरुलस्स । दिट्ठीविसेसु छज्जइ चंचुनिवाओ न कीडेसु ॥ परिमुणियासेससमत्थसत्थसंजायपायडजसेसु ।
सुरगुरुसमेसु रेहइ तुह वयणं न उण मुक्खेसु ।। ता आदिसंतु गुरुणो जेणाहमेव नासेमि वादगव्वं" । गुरुणा भणिओ-'एवं कुरु' । तओ चेल्लएण भणिओ मंती-'भो ! जं तए संलत्तं, आणंदरूवं विसयसुहं 25 तमसंबद्धं, जेण केसि पि जम्मंतरसुकयकम्माण विसविरागसरिसमिणं ति ।
15
१. ह. क.साम।
D:\mala.pm5\2nd proof
