________________
२२८]
[सविवरणं धर्मोपदेशमालाप्रकरणम् [८] रूवेण तुलियमयणो कोवेण जमो हरो वि सत्तेण । __ तेएण वि पलयरवी सूरो सेणावई रयणं ।। [९] नियरूवविहवपरितुलियमयणवेसमणजायमाहप्पो ।
दिव्वाणुभावकलिओ सेट्ठीरयणं पि से नवमं ।। [१०] नियसिप्पकलाकोउयनिज्जियकोक्कासलद्धमाहप्पो।
रूवाइगुणावासो दसमो से वड्डई रयणं ।। [११] अ(आ)रिसवेदविहन्नू विज्जामंताइलद्धमाहप्पो ।
दुरियाइसु संतिकरो पुरोहिओ गुणगणावासो । [१२] दप्पुद्धरसुहडमहानरिंदमुसुमूरणेक्कदुल्ललिओ।
तियसिंददंतिसरिसो दंती रणलद्धजयसद्दो । [१३] मणपवणवेगसरिसं तुरंगरयणं मणोहरं तस्स ।
निन्नासियरिउतिमिरं दिणयरबिंबं व तेरसमं ॥ [१४] सोहग्गरूवजोव्वणलाइण्णकलाइगुणगणावासं ।
मयरद्धयकुलभवणं इत्थीरयणं पि चोद्दसमं ॥ पढमाणि सत्त एगिदियाणि पंचिंदियाणि सत्तेव । जक्खसहस्साणुगयं एक्केक्कं दिव्वरयणं से ।। रक्खंति दो सहस्सा देहं देवाण तस्स एवं तु । सोलस देवसहस्सा निच्चं वटुंति आणाए । विणमिसरिच्छाण नराहिवाण बत्तीसइं सहस्साइं । निच्चं वटुंति वसे निबद्धमउडाण सूराण । तदुगुणा रमणीओ सुरसुंदरिविब्भमाउ लडहाओ। संपत्तजोव्वणाओ मयरद्धयजयपडायाओ ।। रविरहहरिदंतितुरंगमेहिं सरिसाण सयसहस्साई । रहकरितुरंगमाणं चउरासी हुंति पत्तेयं ।।
20
D:\mala.pm512nd proof
