________________
युवतिचरिते द्विजतनयकथा ]
[१९९ इहपरलोगविरुद्धं जंपसु' । तीए भणियं-'नत्थि त्थ विरोहो, जेण दाविओ एस मग्गो हरिहरपरमिट्ठिवासवाईहिं महापुरिसेहिं' । तेण भणियं-'मा एवं जंपसु , न एएहिं भगिणीओ कामियाओ' । तीए भणियं-'न होमि ते भगिणी' । तेण भइयं-'तहा वायाए पडिवन्ना, ता मा उभयलोगविरुद्धं कुणसु' । तीए भणियं-'जइ परमलोगभीरू , ता रमिऊण ममं बंभणि जीवावेज्जसु' । तेण भणियं-'किमेत्थ बहुणा?, 5 जीवंतो न अकायव्वं करेमि' । तीए भणियं-'मओ न तरसि, जीवंतो जइ करेसि । अन्नं च किमेत्थ [अ]कायव्वं ?, जेण लाडाण माउलधूया गम्मा, उदिच्चाण सवक्कजणणी, अण्णेसिं भाइमहिला, काणं पि सहोयरा, एत्थ पुण पित्तियधूया, ता मा सुरयसुहविग्घं करेसु' । तेण भणियं-'किमेत्थ पुणरुत्तो(त्त) भणिएणं ? ति, सच्चवयणेण ममं तुमं भगिणिय' त्ति । तीए भणियं-'जाव न विगुत्तो, न ताव मे वयणं 10 करेसि' । तओ महया सद्देण वाहरियं, संपत्तो जणो । मज्झण्हजिमियभोयणसरावं पुव्वनिहित्तं सयणीयतले उंबि(उज्झि)ऊण भणिओ लोगो-'विसूइया जाया, तेण वमितं, अणेण पाइओ उसिणोदगं, सेकिओ जलणेण, थेववेलाए सत्थीहूओ' भणिऊण पट्ठविओ सव्वो वि लोगो । ठविऊण वासहरकवाडाणि भणिओ पुणो वि'जइ दिट्ठो पच्चओ, जीविएण य कज्जं, ता संपयं पि अच्चा(च्चंता)णुरत्तं पडिवज्जसु 15 ममं' । तेण भणियं–'सव्वं तुज्झायत्तं मम जीवियं, न विसयइ(ए)च्छा समुप्पज्जइ, एवं ठिए जं तुमं भणसि, तमसंसयं निव्वियप्पं करेमि,' । 'अलमणणुरत्तेण गमिएणं' ति मण्णमाणीए भणिओ एसो । तुमए संलत्तं-'इत्थीचरियं सिक्खामि', तेण तुह बोहणत्थं एस पवंचो मए रइओ । ता विरमसु एयाओ, जेण न देवेहिं पि जाणिज्जइ। अवि य
"तंतेहिं भूतरक्खसढया घेप्पंति डाइणीओ य । विसहरजलणाईया, बलेणं हयगयवराईया । भत्तीए देवगुरुणो, जणणी-जणयाइया विणएणं । सब्भावेणं मित्ता, दाणेणं पइणो सव्वे ॥ राईणं हिययत्थो इंगियमाईहिं गेप्पए दूरं ।
25 सत्थाणं विसमाण वि परमत्थो नवरि बुद्धीए ।
20
१. ह. क. जीव । २. ह. क. जणणाइयाण ।
D:\mala.pm5\2nd proof
